Merkezê Îrtîbatî û Çapemenîye yê HPGyî eşkerayîyêka nuştekîye daye û vat:

''2ê sibate saete 15:00 de cerganê DAÎŞî hêrişê Kampa Multecîyan a Rustem Cûdîyî ya Mexmûrî kerd. Hêzanê ma yê ke pê hêrişê 2 cerganê DAÎŞî hesîyayî da cergan ro û hêriş şikna.

Yewînanê ma dormeyê cergan girewt. Mabênê yewînanê ma û cergan de şerêko giran qewimîya. Netîceya nê şerî de 2 cergê DAÎŞî ameyî kiştene. Embazê ma Bêkes Ûrmîye yo ke vera cerganê DAÎŞî bi hawayêkê çêrî şer kerd şehîd bi.

Zanayîşê derheqê embazê ma yê Bêkesî yo ke şehîd bi de wina yê:

Nameyê Qodî: Bêkes Ûrmiye

Name û Peyname: Ahmed Mûradpûr

Cayê Bîyayîşî: Selmas

Maye-Pî: Saîde-Îbrahîm

Tarîx û Cayê Şehadetî: 2ê Sibata 2020î / Mexmûr

Embazê ma Bêkes Ûrmîye serra 1997î de şaristanê Selmasî yê Rojhelatê Kurdîstanî de dadîya xo ra bi û serra 2018î de serrgêra Komployê Mîyanneteweyî de tewrê PKKyî bi. Embaz Bêkes tim bi kedkarî û fedakarîya xo tim vernî de bi. Embaz Bêkes seba pawitişê şarê xo tim mîyanê koma destpêke de bi û wexto ke vera cerganê DAÎŞî bi hawayêkê çêrî şer kerdêne resa şehadetî.

Sere de ma keyeyê embazê xo yê Bêkesî rê pêro şarê Kurdîstanî yê welatperwerî rê serweşîye wazenê. Ma soz danê ke ma do ameyoxê azadî de mîyanê têkoşînê xo de wayîrê armancanê şehîdanê xo bivejîyê.''