Merkezê Îrtîbatî û Çapemenîye yê HPGyî 7 gerîlayê ke 2016 de Herêmanê Pawitişî yê Medya de şehîd bîyê, bi eşkerayîyêke yad kerdî.

Eşkerayîye wina ya:

''Ewro şerê ma yê azadîye Zap û Avaşîn de reseno lewe û bi îradeyêkê pîlî dewam keno. Embazê ma Waranê Xoverdayîşî de singe bi singe vera dişmenî şer kenê û derbanê giranan danê dişmenî ro. Bêguman xoverdayîşo bêhempa yê Rayber Apoyî yê vera sîstemê Îmraliyî û sozê caardişê xeyalanê şehîdan çimeyê îlhamî yê xoverdayîşê embazanê ma yo. Embazê ma yê ke 2016 de şehîd bîyê, zî çimeyê îlhamî yê embazanê ma yê. Embazê ma nika wayîrê têkoşînê înan vejîyenê, bêteredût vera artêşa îşxalkere şer kenê. Embazanê ma Firat, Hêjar, Serhat, Kajîyan, Êriş, Cûdî û Zinarî zî bi na hişmendîye şer kerd û ê do sey mîmaranê xoverdayîşê ewroyînî do tarîxê azadîya şarê ma de cayê xo yê rûmetênî do bigêrê. Ma serrgêra şehadetê înan de nê embazanê xo bi rêzdarî yad kenê û soz danê ke do xeyalanê înan bîyarê ca.

Nasnameyê embazanê ma yê şehîdan wina yê:

Nameyê Qodî: Firat Alî Name û Peyname: Bîlal Başak Cayê Bîyayîşî: Êlih Maye-Pî: Fahrîye – Ahmet Tarîx û Cayê Şehadetî: 2016 / Herêmê Pawitişî yê Medya

Nameyê Qodî: Hêjar Botan Name û Peyname: Vedat Azan Cayê Bîyayîşî: Wan Maye-Pî: Mevlude – Celalettîn Tarîx û Cayê Şehadetî: 2016 / Herêmê Pawitişî yê Medya

Nameyê Qodî: Serhat Şîyar Name û Peyname: Emrullah Toktaş Cayê Bîyayîşî: Mûş Maye-Pî: Salîbat – Giyasettîn Tarîx û Cayê Şehadetî: 2016 / Herêmê Pawitişî yê Medya

Nameyê Qodî: Kajiyan Licê Name û Peyname: Veysel Agir Cayê Bîyayîşî: Amed Maye-Pî: Havva – Abdullah Tarîx û Cayê Şehadetî: 2016 / Herêmê Pawitişî yê Medya

Nameyê Qodî: Êrîş Sema Name û Peyname: Yusuf Yilmaz Cayê Bîyayîşî: Mersîn Maye-Pî: Fatma – Şukru Tarîx û Cayê Şehadetî: 2016 / Herêmê Pawitişî yê Medya

Nameyê Qodî: Cûdî Mordem Name û Peyname: Seyîthan Çelîk Cayê Bîyayîşî: Colemêrg Maye-Pî: Makbule – Şaban Tarîx û Cayê Şehadetî: 2016 / Herêmê Pawitişî yê Medya

Nameyê Qodî: Zinar Amara Name û Peyname: Haci Benzer Cayê Bîyayîşî: Şirnex Maye-Pî: Hurrîyete – Reşît Tarîx û Cayê Şehadetî: 2016 / Herêmê Pawitişî yê Medya

Embaz Firat êlih de dadîya xo ra beno. O verî mîyanê xebatanê ciwanan de ca gêno û dima 2013 de tewrê gerîlayan beno. Embaz Firat a ser derbazê warê Cîloyî yê Herêmanê Pawitişî yê Medya beno û 2016 de derbazê Avaşînî beno. Avaşîn de o derbanê giranan dano dişmenî ro û çalakîyan de tewr vernî de ca gêno. Embaz Firat heta şehadetê xo tewirê xo yê Apogîrî bi layîqî temsîl keno.

Embaz Hêjaro ke eslê xo de geverij o, Wan de dadîya xo ra beno. Embaz Hêjar bi qerardarî ciwanîya xo de verê xo dano koyan. Embaz Hêjar tim xîret keno ke tecrubeyanê xo embazanê xo de pare bikero. Embaz Hêjar heman wextî de wayîrê kesayetêkê hunermendî beno û pê dîsîplînê xo zî xo eşkera keno. Embaz Hêjar xo rê xeta şehîdan esas gêno û pê tewrbîyayîşê xo yê durustî beno cewab.

Embaz Serhat Mûş de dadîya xo ra beno. Embaz Serhato ke babîyê ci zîndanê dewleta faşîste de amebi qetilkerdene, 2014 de wextê hêrişanê DAÎŞî de tewrê gerîlayan beno. Embaz Serhat cade cuya gerîlatîye museno û adapte beno. Embaz Serhat tim keno ke mesuldarîyanê xo bêkêmasî bîyaro ca. O pê kesayet û keda xo beno wayîrê têkoşînêkê pîlî. Qerardarî û ezmê embaz Serhatî tim do ma rê bibo mîsal.

Embaz Kajîyan Licê de dadîya xo ra beno. Embaz Kajîyano ke keyeyê ci de xeylêk şehîdî est ê, pê hêrsê vera dişmenî Amed de verê xo dano koyanê gerîlayan. Dima o derbazê Herêmanê Pawitişî yê Medya beno. Embaz Kajîyan tîya de perwerde gêno û raştîya îdeolojîya Rayberîye hîna hol fam keno. Embaz Kajîyan koyanê Zagrosan de xeylêk pratîkan keno û xo tim aver beno. O heta şehadetê xo zî tawîzêkî zî nêdano.

Embaz Êrîş Mersîn de dadîya xo ra beno. Embaz Êrîş wexto ke kurdayetîya xo şinasneno bêteredut tewrê gerîlayanê azadîye beno. Embaz Êrîş koyan de pê jîhatî û duristîya xo beno mazharê heskerdiş û hûrmetê embazanê xo. O tim keno ke bibo gerîlayêko marîfetîn ê Apogîran. Embaz Êrîş pê şehadetê xo ma rê mîrasêkê pîlî yê embazîye û têkoşînî verdeno. Ma do têkoşînê ey bi serfîrazî tacîdar bikerê.

Embaz Cûdî Colemêrg de dadîya xo ra beno. O vera polîtîkayanê qirkerdiş û asîmîlasyonî yê dewleta tirke verê xo dano koyanê azadan. Embaz Cûdî binê tesîrê embazîya gerîlayan û cuya PKKyî de maneno û keno ke bibo layîqê înan. Embaz Cûdî çi museno embazanê xo de pare keno û serkêşîyê şer û cuye keno. Embaz Cûdî şerê verê îşxalkeran de bi qehremanî şer keno û şehîd beno.

Embaz Zinar Dergûl de dadîya xo ra beno. Embaz Zinaro ke babîyê ci hetê îşxalkeran ra amebi birîndarkerdene, pê hêrsê vera dişmenî ciwanîya xo de tewrê gerîlayan beno. Embaz Zinar tim raştîya PKKyî û Rayberîye ser o cigêrayîşan keno û vera vera beno milîtanêko marîfetîn û mîsal. Embaz Zinar Botan de vera dişmenî bi qehremanî û qerardarî şer keno û beno fermandarêko marîfetîn. Embaz Zinar şerê vera îşxalkeran de pê taybetmendîyanê xo vejîyeno vernî û serkêşîyê têkoşînê azadîye keno.

Ma sere de keyeyanê ercîyayeyan ê embazanê xo, pêro şarê welatperwerî yê Kurdîstanî rê serweşîye wazenê.''