Merkezê Îrtîbatî û Çapemenîye yê HPGyî bi eşkerayîyêke nasnameyê 5 gerîlayanê şehîdan eşkera kerdî.

Eşkerayîye wina ya:

''Têkoşînê azadîya Kurdîstanî pê xoverdayîşê tarîxî yê şehîdanê ma yê bêmergan resa nê rojan û hêvîya ameyoxê azadî ya şarê ma gandar verdaye. Embazanê ma Şîyar, Şevger, Têkoşer, Rêzan û Zinarî pê gonîya xo estbîyayîşê şarê ma pawit, şerê azadîya şarê xo kerd, sey ewladanê nê şarî erkê xo yê tarîxîyî kerdî û mesuldarîya xo pê serkewtişî arde ca. Embazê ma Şîyar, Şevger, Têkoşer, Rêzan û Zinar pê qehremanî şehîd bîyî. Ma sere de keyeyanê înan ê ercîyayeyan rê, pêro şarê welatperwerî yê Kurdîstanî rê serweşîye wazenê. Ma reyna soz danê ke xeta xoverdayîşî ya embazanê xo esas bigêrê û na xeta biresnê serfîrazîye.

Nasnameyê embazanê ma yê şehîdan wina yê:

Nameyê Qodî: Şiyar Azad Name û Peyname: Samet Yuce Cayê Bîyayîşî: Qers Maye-Pî: Rûkene –Îsmaîl Tarîx û Cayê Şehadetî: 26ê Adara 2017î / Cîlo

Nameyê Qodî: Şevger Germikî Name û Peyname: Emrah Avcı Cayê Bîyayîşî: Şirnex Maye-Pî: Saniye – Haci Tarîx û Cayê Şehadetî: 26ê Adara 2017î / Cîlo

Nameyê Qodî: Têkoşer Gimgim Name û Peyname: Delîl Yilmaz Cayê Bîyayîşî: Muş Maye-Pî: Sabrîye – Ercan Tarîx û Cayê Şehadetî: 26ê Adara 2017î / Cîlo

Nameyê Qodî: Rêzan Kato Name û Peyname: Bariş Orhan Cayê Bîyayîşî: Wan Maye-Pî: Mîrarihan – Abdulcebbar Tarîx û Cayê Şehadetî: 20ê Nîsana 2017î / Cîlo

Nameyê Qodî: Zinar Pasûr Name û Peyname: Kazim Kaya Cayê Bîyayîşî: Amed Maye-Pî: Nefîse – Fehmî Tarîx û Cayê Şehadetî: 21ê Nîsana 2017î / Avaşîn

Embaz Şîyar Qers de dadîya xo ra beno. Embaz Şîyar verî xebatanê ciwanan de cagêno û xeylêk reyî yeno destbendkerdene. Embaz Şîyar sibata 2006î de vera Komployê Mîyanneteweyî tewrê gerîlayan beno. O wextêk Ewropa de xebatan keno û dima reyna agêreno koyanê Kurdîstanî. Embaz Şîyar pê kesayet û tewirê xo beno mazharê heskerdişê embazanê xo. Embaz Şîyar 2016 de derbazê Zagrosan beno û vera artêşa îşxalkere çalakîyanê serkewteyan keno. Embaz Şîyar embazanê xo rê mîrasêkê têkoşînê pîlî verdeno.

Embaz Şevger Şirnex de dadîya xo ra beno. O 2008 de tewrê xebatanê ciwanan beno û 2011 de tepişîyeno. Embaz Şevger dima ke zîndanê kolonyalîstan ra vejîyeno, 2014 de verê xo dano koyanê azadan. O Zagrosan de dest pê gerîlatîye keno. Embaz Şevger tim xo rê felsefeya Rayber Apoyî û serkewtişî keno esas. Embaz Şevger warê Cîloyî de vera hêrişanê artêşa îşxalkere xoverdayîşî rê serkêşîye keno û beno mazharê hûrmetê pêro embazanê xo. Embaz Şevger cepheyanê şerî de tewr vernî de cagêno û pê şehadetê xo beno bêmerg.

Embaz Têkoşer Gimgimê Mûşî de dadîya xo ra beno. Embaz Têkoşero ke Ewropa de bîyo pîl xebatanê ciwanan de cagêno. Embaz Têkoşer wextê hêrişanê DAÎŞî yê vera Rojawanî û Şingalî de Botan tewrê gerîlayan beno. Embaz Têkoşer dima derbazê Qendîlî beno û Hêzanê Taybetan de cagêno. Embaz Têkoşer warê Cîloyî de xoverdayîşêkê zixmî ano ca û cewabanê bitesîran dano hêrişanê îşxalî. Embaz Têkoşer pêro erk û mesuldarîyanê xo bêkêmasî ano ca û heta şehadetê xo tim xeta milîtanîye teqîb keno.

Embaz Rêzan Wan de dadîya xo ra beno. Embaz Rêzan xebatanê ciwanan de cagêno û tewrê serewedaritişanê ciwanan beno. Embaz Rêzan hêrişanê topyekûnan ê dewleta tirke ra dima 2015 de bi qerardarî tewrê gerîlayan beno. O Zap de dest pê gerîlatîye keno û cuya Apogîre museno. Embaz Rêzan pê kesayetê xo cade adapteyê gerîlatîye beno. Embaz Rêzan pê kesayetê xo hetê pêro embazanê xo ra yeno heskerdene. Mîrasê ey ê têkoşînî tim do vernîya ma roşnî bikero.

Embaz Zinar Amed de dadîya xo ra beno. Embaz Zinar mîyanê xebatanê ciwanan de xeylêk wezîfeyan ano ca û serrgêra Hemleya 15ê Tebaxe de 2015 de bi qerardarî verê xo dano koyan û beno gerîla. O Herêmanê Pawitişî yê Medya de dest pê gerîlatîye keno û Avaşîn de têkoşîn keno. Embaz Zinar Zagrosan de erkanê cîyayan keno û Avaşîn de serkêşîya çalakîyanê serkewteyan keno. Embaz Zinar pê perfomansê xo yê çalakîyan dişmenî ra qesas gêno û peyê xo de tecrubeyanê pîlan verdeno.''