HPGyî hîrê şehîdê Herekolî yad kerdî
Merkezê Îrtîbatî û Çapemenîye yê HPGyî (HPG-BÎM) hîrê gerîlayê ke êlula 2021î de Herekol de hêrişanê dewleta tirke ya îşxalkere de şehîd bîyê yad kerdî.
Merkezê Îrtîbatî û Çapemenîye yê HPGyî (HPG-BÎM) bi eşkerayîyêke hîrê gerîlayê ke êlula 2021î de Herekol de hêrişanê dewleta tirke ya îşxalkere de şehîd bîyê yad kerdî.
Eşkerayîye wina ya:
''18ê êlula 2021î de warê Navserî yê Herekolî de hêrişanê artêşa tirke ya îşxalkere de embazê ma Nûda, Kendal û Garzan şehîd bîyî. Nê embazê ma seba ke cewab bidê hêrişanê dişmenî yê vera şerwananê azadîye pê israr û kede derbazê Botanî bîyî û bîyî wayîrê têkoşîn û tewirêkî. Ma soz danê ke perwerê vîrameyîş, tewir û têkoşînê nê embazanê xo vejîyê, erkê şorişî yo ke înan dewrê ma kerd bîyarê ca û bi serkewtişî netîce bikerê.
Nasnameyê embazanê ma yê şehîdan wina yê:
|
|
Nameyê Qodî: Nûda Sumbul Name û Peyname: Evîne Arslan Cayê Bîyayîşî: Colemêrg Maye-Pî: Necîbe – Xelîl Tarîx û Cayê Şehadetî: 18ê Êlula 2021î / Herekol |
|
|
Nameyê Qodî: Kendal Azad Name û Peyname: Mazlum Mat Cayê Bîyayîşî: Şirnex Maye-Pî: Selamete – Mehmet Naim Tarîx û Cayê Şehadetî: 18ê Êlula 2021î / Herekol |
|
|
Nameyê Qodî: Garzan Sason Name û Peyname: Kubîlay Acet Cayê Bîyayîşî: Îstanbul Maye-Pî: Gultene– Mehmet Can Tarîx û Cayê Şehadetî: 18ê Êlula 2021î / Herekol |
Embaze Nûda Colemêrg de dadîya xo ra bîya. Embaze Nûda vera hêrişan û polîtîkayanê qirkeran 2013 de tewrê gerîlayan bîye. Embaze Nûda çek û nameyê amika xo ya ke 2011 de şehîd bîya girewt. Embaze Nûda pê kesayet û terzê xo yê xebate embazanê xo rê bîye mîsal. Embaza Nûda xeylêk waranê Zagrosan, Zap û Başûrî de gerîlatîye kerde û waştişê xo ser o bi coşî derbazê herêma Botanî bîye. Embaze Nûda terz û taktîkê dewrê neweyî de xorin bîye û bîye milîtanêka serkewte ya YJA-Starî.
Embaz Kendal Heex de keyeyêkê cizîrijî de dadîya xo ra bîyo. Embaz Kendalî wexto ke Balikesîr de wendêne xebatanê şorişgêran de ca girewt û 2009 de wextê şerê giranî de verê xo da koyanê azadan. Embaz Kendal cade cuya gerîlatîye musa. Embaz Kendalî waranê Xinêrê û Xakûrkê de bi serran gerîlatîye kerde, çalakîyanê serkewteyan de serkêşîye kerde û marîfetê xo eşkera kerd. Embaz Kendal dima waştişê xo ser o derbazê Botanî bi û 7 serran Botan de fermandarîye kerde. Embaz Kendal hem gerîlayêko marîfetin hem zî hunermendêk bi.
Embaz Garzano ke aslê xo de Êlihî ra yo Îstanbul de dadîya xo ra bîyo. Embaz Garzan dima rixmê tedaya dewleta qirkere zî agêra Kurdîstan. Embaz Garzanî dima ke eşnawit ke 2ê ci merdimê ey 15 gerîlayê cinîyî Garzan de şehîd bîyê 2015 de tewrê gerîlayan bi. Embaz Garzan wextêkî ra dima derbazê Başûrî bi û 5 serran Zap de têkoşîn kerd. Ey bi taybetî Ertûş, Qela Bedewê, Xeregol de serkêşîye kerde. Embaz Garzan dima derbazê Herekolî bi û bi tecrubeyanê xo xîret kerd ke Şerê Şarî yê Şorişgêrî Vakurî ra vila bikero. O tim bêro vîrardene.
Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê.''
