Merkezê Îrtîbatî û Çapemenîye yê HPGyî derheqê babete de eşkerayîyêka nuştekîye weşanaye.

Eşkerayîya HPGyî wina ya:

''Ma eşkerayîya xo ya 19ê êlula 2019î de dabi eşnawitene ke 17ê êlule de artêşa tirke ya îşxalkere warê Mezra Marînosî ya herêma Kato Marînosî ya qezaya Elkê ya Şirnexî de operasyonêk da destpêkerdene û nê operasyonî de 2 embazê ma şehîd bîyî. Zanayîşê derheqê embazanê ma yê şehîdan de wina yê:

Nameyê Qodî: Qendîl Berxwedan Name û Peyname: Muslum Mahmûd Cayê Bîyayîşî: Kirmanşah Maye-Pî: Rewşene-Mahmût Tarîx û Cayê Şehadetî: 18ê Êlula 2019î / Elkê

Nameyê Qodî: Tîrêj Zagros Name û Peyname: Ercan Taş Cayê Bîyayîşî: Colemêrg Maye-Pî: Fatma-Abdullah Tarîx û Cayê Şehadetî: 18ê Êlula 2019î / Elkê

Embazê ma Qendîl û Tîrêj zî parçeyanê cîya-cîyayan ê Kurdîstanî ra tewrê têkoşînê azadîye yê Kurdîstanî bîyî û serranê xo yê qijan de vera polîtîkayanê qirkerdişî yê dişmenî verê xo da cayanê têkoşînî. Roja ke tewrê têgêrayîşî bîyî ra nata bi fedakarîyêkê pîlî wezîfeyê xo ardî ca.

Ma sere de keyeyanê embazanê ma yê şehîdan rê pêro şarê Kurdîstanî yê welatperwerî rê serweşîye wazenê û soz danê ke ma do têkoşînê înan ser bikerê.''