Merkezê Îrtîbatî û Çapemenîye yê HPGyî nasnameyê 2 şehîdan ê cinîyan ê Besta eşkera kerdî.

Eşkerayîye wina ya:

''25ê hezîrana 2021î de dewleta tirke ya îşxalkere vera waranê Şehrîbane û Besta Bilûzerî yê herêma Besta yê Şirnexî operasyonêk dabi destpêkerdene. 26ê hezîrana 2021î de embazê ma Canda û Roza nê waran de vejîyayî operasyonî û mabênê înan û îşxalkeran de pêkewtişê giranî qewimîyayî. Nê pêkewtişan de bi xeylêk îşxalkerî ameyî cezakerdene û birîndarkerdene. Embazanê ma Roza û Canda sey temsîlkaranê milîtanîya cinîya azade heta nefesê xo yê peyênî şer kerd û resa şehadetî. Nasnameyê embazanê ma yê şehîdan wina yê:

Nameyê Qodî: Canda Kiçî Name û Peyname. Kadere Malgoz Cayê Bîyayîşî: Şirnex Maye-Pî: Leyla-Nûrettîn Tarîx û Cayê Şehadetî: 26ê Hezîrana 2021î /Besta

Nameyê Qodî: Roza Botan Name û Peyname: Mevlude Sevîntî Cayê Bîyayîşî: Şirnex Maye-Pî: Abîde-Mehmet Îhsan Tarîx û Cayê Şehadetî: 26ê Hezîrana 2021î /Besta

Embaza ma Cadan Cizîre de mîyanê Eşîra Kiçî de dadîya xo ra bîya. Embaze Canda vera asîmîlasyonê dewleta tirke sere wedarna û verê xo da koyan. Îdeolojîya PKKyî û cuya koyan kesayetê embaze Canda de vurîyayîşê pîlî kerdî. Aye bi taybetî waşt ke Îdeolojîya Xelisîyayîşê Cinîyan a Rayber Apoyî bişinasna, fam bikera û goreyê ci biciwîya. Embaze Canda Avaşînî ra heta Garê û Şingalî xeylêk waran de têkoşîn kerd. Aye semedo ke vera dewleta tirke hîna zêdêr têkoşîn bikera waşt ke şora Vakurê Kurdîstanî û bi nê hawayî aye xeylêk çalakîyanê Vakurî de tewr vernî de ca girewt. Embaze Canda her war de kedêka pîle daye, bîye fermandara YJA-Starî û rayberîya xeta gerîlayan a dewrê neweyî kerde.

 Embaze Roza şaristanê Şirnexî yê herêma Botanî de dadîya xo ra bîya. A cigêrayîşanê xo ra dima tewrê gerîlayanê azadîye bîye. A pê perwerdeyê leşkerî û îdeolojîkî bîye gerîlayêka marîfetîne. Aye Bi taybetî warê Îdeolojîya Xelisîyayîşê Cinîyan de xo kerd xorin. Ça de hewcedarîye estbî a vazdaye uca û aye pêro wezîfeyê xo ardî ca. Embaze Roza pê waştişê xo derbaza Vakurê Kurdîstanî bîye. Aye waştêne ke hîna xurtî vera îşxalê dewleta tirke vejîya. Nê waştişê xo ser o aye xeylêk çalakîyan de ca girewt û bi nê hawayî bîye milîtanêka mîsale ya têkoşînî.

Embazanê ma Canda û Roza sey milîtananê cinîyan estbîyayîşê dişmenî rê erdê xo de tehamul nêkerd û seba ke peynîya ney bîyarê têkoşîn kerd. Sere de keyeyanê înan ê ercîyayeyan ma pêro şarê welatperwerî yê Cizîre, Şirnex û Kurdîstanî rê serweşîye wazenê. Ma soz danê ke pê awankerdişê welatêkê azadî qesasê embazanê xo bigêrê.''