Merkezê Îrtîbatî û Çapemenîye yê HPGyî derheqê şehdatê 2 gerîlayan de zanayîş da.

Eşkerayîya HPGyî de ca dîya nînan:

''Ma eşerayîya xo ya 15ê êlule dabi eşnawitene ke 13ê êlule de artêşa tirke ya îşxalkere bajarekê Bajêrganî yê qezaya Geverî yê Colemêrgî de dormeyê dewanê Kelê, Nebar, Xurakana Jêr û Xurakana Jorî de dest pê operasyonî kerd. Wextê operasyonî de mabênê hêzanê ma û îşxalkeran de şerêko giran qewimîya. Hêzanê ma vera yewinanê operasyonî çalakîyê xurtî kerdî. Netîceya çalakîyan de yewê ci payeberz 7 îşxalkerî ameyî cezakerdene û xeylêk îşxalkerî zî birîndar bîyî. Embazanê ma Welat û Nîdal wextê operasyonî de derbê giranî dayî îşxalkeran ro heta fîşekê xo yê peyênî şer kerd û şehîd bîyî.

Zanayîşê nasnameyanê embazanê ma wina yê:

Nameyê Qodî: Welat Genç Name û Peyname: Eyup Alper Cayê Bîyayîşî: Colemêrg Maye-Pî: Azîze - Salîh Tarîx û Cayê Şehadetî: 13ê Êlul a 2020î / Gever

Nameyê Qodî: Nîdal Dersim Name û Peyname: Ahmet Akman Cayê Bîyayîşî: Şirnex Maye-Pî: Ferîde - Abdullah Tarîx û Cayê Şehadetî: 13ê Êlul a 2020î / Gever

Embazê ma Welat keyeyê welatperwerî yê Colemêrgî de ame dinya û bi kulturê welatperwerîye bi pîl. Embazê ma Welato ke berpirsîyarîyê xo yê komelkî seranê xo yê ciwanîye de ferq kerdî xebatan aktîf ca girewt û serra 2012î de bicoşê pîlî verê xo da koyanê azadan. Hemrayê ma Welatî ke bi felsefeya Rayberîye rêça şehîdan de xo averd berd, demo kilm de wezîfeyê fermandarîye girewt xo ser, heme wezîfeyê xo bi serkewtişî ardî ca û bi têkoşînê xo yê destankî tewrê kerwanê şehîdan bi.

Embazê ma Nîdal keyeyêko welatperwer de ame dinya û vera polîtîkaya asîmîlasyon û qirkerdişî yew dewleta tirke erc û kulturê komelê xo pawit. Hemra Nîdalî hema serranê xo yê ciwanîye de vera faşîzm mîyanê têkoşînî de cayê xo girewt û semedê xelisnayîşê Kurdîstanî tewrê sefanê gerîlayan bi. Rayraşîyayîşê azadîye de heta nefesê xo yê peyênî bêmebên têkoşîn kerd û bi têkoşînê xo yê destankî tewrê kerwanê şehîdan bi.

Sere de keyeyê hemrayanê xo ma şerê welatperwerî yê Kurdîstanî rê serweşîye wazenê û sozê serkewtişî newe kenê.''