Merkezê Îrtîbatî û Çapemenîye yê HPGyî bi eşkerayîyêke nasnameyê 3 şehîdan eşkera kerdî.

Eşkerayîye wina ya:

''Embazanê ma Peymane Bagok, Agirî Gabar û Çavrê Cîlo bi serran têkoşînê azadîya Kurdîstanî de cagirewt û pê perwerîya xo ya felsefeya Rayber Apoyî û xeta azadîya cinîyan bîyî fermandarê mîsalî. Hîrê embazanê ma 12ê teşrîna peyêne ya 2019î de hêrişê dewleta tirke ya îşxalkere de şehîd bîyî. Ma do nê mîrasê têkoşînî yê embazanê xo bi serkewtişî tacîdar bikerê. Ma serrgêra şehadetê înan de embazanê xo bi rêzdarî û minetî yad kenê û reyna anê ziwan ke ma perwerê têkoşînê înan ê.

Nasnameyê embazanê ma yê şehîdan wina yê:

Nameyê Qodî: Peymane Bagok Name û Peyname: Hulya Mercan Cayê Bîyayîşî: Mêrdîn Maye-Pî: Sureyya – Îzzettîn Tarîx û Cayê Şehadetî: 12ê Teşrîna Peyêne ya 2019î / Herêmê Pawitişî yê Medya

Nameyê Qodî: Agirî Gabar Name û Peyname: Xezale Temel Cayê Bîyayîşî: Şirnex Maye-Pî: Ayşe – Îbrahîm Tarîx û Cayê Şehadetî: 12ê Teşrîna Peyêne ya 2019î / Herêmê Pawitişî yê Medya

Nameyê Qodî: Çavrê Cîlo Name û Peyname: Hêlîne Karadeniz Cayê Bîyayîşî: Amed Maye-Pî: Rahîme – Veysi Tarîx û Cayê Şehadetî: 12ê Teşrîna Peyêne ya 2019î / Herêmê Pawitişî yê Medya

Embaze Peymane Mêrdîn de dadîya xo ra bena. A 1991 de xeyalê xo ana ca û verê xo dana refê gerîlayan. Embaze Peymane gerîlatîya xo ya 28 serran de her hetê Kurdîstanî ra gêraye. A Zap, Avaşîn, Xakurkê, Botan, Qendîl, Dêrsim, Heftanîn û Metîna de gerîlatîye kena. Embaze Peymane dima bena fermandare û tim bêteredût şer kena. Embaze Peymane 2004 de sey fermandarêka Hemleya 1ê Hezîrane derbazê warê Dêrsimî bena û 2013 de zî verê xo dana Başûrê Kurdîstanî.

Embaze Peymana ke Endama Konseya Fermandarîye ya YJA-Starî-HPGyî û Endama Meclîsê PAJKî bîye, 28 serranê gerîlatîya xo de tim goreyê rûmetê PKK û PAJKî ciwîyena. A pêro wezîfeyanê xo nê serran de bêteredut û bêkêmasî ana ca û şehîd bena. Têkoşînê fermandara ma ya bêmerge embaze Peymane do pê serkewtişî bêro tacîdarkerdene.

Embaze Agirî, Şirnex de dadîya xo ra bena. A vera zulmê dişmenî 1998 de tewra gerîlayan bena. A tim pê tewrbîyayîşê xo yê samîmî û zerrînizmî û perwerîya xo ya bi Rayber Apoyî mîyanê xîretan de cagêna. Embaze Agirî Herêmanê Pawitişî yê Medya, Besta, Gabar, Qendîl de têkoşîn kena û bena fermandarêka serkêş a YJA-Starî A 2000 de mîyanê Hêzanê Taybetan de cagêna. Embaze Agirî çarçewa Hemleya 1ê Hezîrane de Botan de wezîfe kena dima Ocaxê PKKyî de perwerde vînena. A 2015 de verê xo reyna dana Vakurê Kurdîstanîç 

Embaze Agirî bi tewrbîyayîşê xo ercnayîşê 'Fedayîtîye bingeyê PKKyî yo' yê Rayber Apoyî ana ca û wina bena şehîd.

Embaze Çavrê Amed de dadîya xo ra bena. A verî xebatanê ciwanan de cagêna dima rêçê kekê xo Kurtay Amedî (Osman Karadenîz) teqîb kena û 2011 de tewra gerîlayan bena. Embaze Çavrê cade cuya gerîlatîye rê adapte bena û sey gerîlayêka YJA-Starî xo aver bena. A verî Avaşîn de têkoşîn kena, dima derbazê Garê bena. Embaze Çavrê bi xebatanê xo bena fermandarêka YJA-Starî ya marîfetîne. Şehadetê kekê xo ra dima a bi israrî derbazê Vakurê Kurdîstanî bena û tîya de têkoşîn kena. Embaze Çavrê heta şehadetê xo bena pawitox û şerwana têkoşînê azadîya cinîyan.

Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''