HPGyî nasnameyê 3 gerîlayanê ke hêrişanê vera Herêmanê Pawitişî yê Medya de şehîd bîyê eşkera kerdî û vat: ''Ma ancî soz danê ke rayîrê azadîye de ke nê embazanê ma roşnî kerdo, qetî serfîrazîye bivisnê destî.''
Merkezê Îrtîbatî û Çapemenîye yê HPGyî nasnameyê 3 gerîlayanê ke hêrişanê vera Herêmanê Pawitişî yê Medya de şehîd bîyê eşkera kerdî.
Eşkerayîye wina ya:
''23ê çeleyê 2022yî de hêrişanê dewleta tirke ya îşxalkere yê vera Herêmanê Pawitişî yê Medya de embazê ma Amara, Ferman û Vîyane şehîd bîyî. Embazanê ma Amara, Vîyane û Ferman par vera hêrişanê dişmenî Herêmanê Pawitişî yê Medya de têkoşînêko bêeman kerd û înan kerd ke sere de Zap, Avaşîn de dişmen xo zaf cayan ra apey bianco. Qerardarî û xîretê embazan Amara, Vîyane û Ferman doo mîyanê têkoşînê ma de biciwîyê û hêz bidê şerwananê azadîye.
Nasnameyê embazanê ma yê şehîdan wina yê:
|
|
Nameyê Qodî: Amara Botan Name û Peyname: Dîlane Baycan Cayê Bîyayîşî: Wan Maye-Pî: Hangule – Îdris Tarîx û Cayê Şehadetî: 23ê Çeleyê 2022yî /Herêmê Pawitişî yê Medya |
|
|
Nameyê Qodî: Viyan Sema Aydin Name û Peyname: Hêvîdare Bîlgîç Cayê Bîyayîşî: Mêrdîn Maye-Pî: Mevlude – Yusuf Tarîx û Cayê Şehadetî: 23ê Çeleyê 2022yî /Herêmê Pawitişî yê Medya |
|
|
Nameyê Qodî: Ferman Agirî Name û Peyname: Şahîn Taşkin Cayê Bîyayîşî: Şirnex Maye-Pî: Taybete– Methî Tarîx û Cayê Şehadetî: 23ê Çeleyê 2022yî /Herêmê Pawitişî yê Medya |
Embaze Amara Wan de dadîya xo ra bîya. Embaze Amara vera hêrişan û tedayanê dewleta tirke 2014 de verê xo da koyan. Embaze Amara binê tesîrê îdeolojîya azadîya cinîyan a Rayberîye de mende. Embaze Amara vera DAÎŞî Şingal de şer kerd û azadîya Şingalî ra dima agêraye herêma Avaşînî. Embaze Amara tim xîret kerd ke biba gerîlayêka marîfetîne ya YJA-starî û pêro erkê xo ardî ca. A do tim biba çimeyê ma yê hêz û moralî.
Embaze Vîyane Nisêbîn de dadîya xo ra bîya. Embaze Vîyane verî xebatanê ciwanan de ca girewt û 2015 de verê xo da refanê gerîlayan. Embaze Vîyane cade bîye milîtanêka marîfetîne ya îdeolojîya azadîya cinîyan û tim xo pê perwerdeyan aver berd. Embaze Vîyane 23ê nîsana 2021î de destpêkerdişê hêrişanê vera Zap, Metîna û Avaşîn de uca de bîye û vera nê operasyonan têkoşînêko bêeman kerd.
Embaz Ferman Cizîre de dadîya xo ra bîyo. Dima ke 2012 de xalê ci şehîd bi embaz Fermanî zî 2015 de tewrê gerîlayan bi. Embaz Fermanî nameyê dezayê xo yê şehîdî girewt û hêrsê xo vera dişmenî tim mojna. Ey 2018 de Avaşîn de xeylêk çalakîyan de derbî dayî dişmenî ro. Embaz Fermanî giranîye daye dersanê kultur û hunerî û xeylêk branşan de xo aver berd. Embaz Fermanî çîyo ke musabi embazanê xo de pare kerd û tim mîyanê xîretêkê pîlî de ca girewt.
Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma ancî soz danê ke rayîrê azadîye de ke nê embazanê ma roşnî kerdo, qetî serfîrazîye bivisnê destî.''
