HPGyî nasnameyê hîrê şehîdanê Avaşînî eşkera kerdî
HPGyî nasnameyê hîrê şehîdanê Avaşînî eşkera kerdî û soz da ke ê do qesasê embazanê xo bîgêrê û têkoşînê înan biresnê serkewtişî.
Merkezê Îrtîbatî û Çapemenîye yê HPGyî nasnameyê hîrê şehîdanê Avaşînî eşkera kerdî û nê pare kerdî:
''Dewleta tirke ya îşxalkere 2021 de vera Avaşîn, Zap û Metîna hêrişê îşxalî da destpêkerdene ke hema zî dewam keno. Gerîlayê Azadîye yê Kurdîstanî vera îşxalkeran têkoşînê tarîxî kenê û derbanê girdan danê dişmenî ro. Hemrayê ma Ekîne, Dilda û Şîyar nê têkoşînî de şehîd bîyî. Ma soz danê ke ma do qesasê hemrayanê xo bîgêrê û waştişanê înan bîyarê ca.
Nasnameyê embazanê ma yê ke şehîd bîyî wina yê;
|
|
Nameyê Qodî: Ekîne Tolhildan Name û Peyname: Cansele Gul Cayê Bîyayîşî: Îstanbul Maye-Pî: Altune - Yaşar Tarîx û Cayê Şehadetî: Hazîrana 2022yî / Avaşîn |
|
|
Nameyê Qodî: Dilda Ayper Rojhat Name û Peyname: Sehere Karga Cayê Bîyayîşî:Colemêrg Maye-Pî: Saime – İsmail Tarîx û Cayê Şehadetî: Hazîrana 2022yî / Avaşîn |
|
|
Nameyê Qodî: Şiyar Firmesk Amed Name û Peyname: Abdullah Bayakbayan Cayê Bîyayîşî: Riha Maye-Pî: Zehra – Musa Tarîx û Cayê Şehadetî: Hazîrana 2022yî / Avaşîn |
Hemraya Ekîne eslê xo de çewlîgija û Îstanbul de yena dinya. Her çiqas a welatê xo de pîl mebo zî bi qoqê xo ra nîna raqilnayene û wayîrê nasnameyê xo vejîyena û sey cinîyêke xoverdayoxe têgêrena. Hemraya ma Ekîne 2015 de semedê pawitişê herre û şarê xo tewrê sefanê gerîlayan bena.
Badê tewrbîyayîşî cehd kena ke xo her hetî ra aver bêro û bitaybetî perwerdeyê leşkerî ser vindena. Sey gerîlayêka YJA Starî 2018 de verê xo dana Avaşînî û tîya çar serrî xeylêk çalakîyanê serkewteyan de ca gena. Hemraya ma Ekîne sey fermandarêka serkewtîye çalakîyan rê serkêşîye kena û heme wezîfeyanê xo bi serkewtişî ana ca.
Hemraya ma Dilda Colemêrg de eşîrê Pînyanîşî yo welatperwerî de yena dinya û Têgêrayîşê Azadîye yê Kurdîstanî qijtîya xo ra rind sarisnena.Coka pê xeyalanê gerîlatîye bena pîle. Seba ke merdimanê ci ra şehîdî û gerîlayî est ê no aye ser zaf tesîr keno û 2015 de a zî verê xo dana koyanê azadan ê Kurdîstanî. Heta 2017î Zap û Avaşîn de têkoşîn kena û derbanê giranan dana dişmenî ro. Dima ra mîyanê tay xebetanê îdeolojî de ca gena. Hemraya Dîlda 2022 de mîyanê têkoşînê Avaşînî yê vera hêrişê îşxalî de cayê xo gena û tewrê çalakîyanê serekwteyan bena.
Hemrayê ma Şîyar Riha de yeno dinya û Hatay de beno pîl. Seba ke keyeyê ci welatperwer o rixmo ke welatê xo ra dûr o çirey ratşîya xo rê xerîb nêbeno û xo paweno. Badê hêrişê DAÎŞî yê vera destkewteyanê kurdan vera polîtîkaya qirkerdişî yê dewleta tirke vindeno û yeno tepiştene. Zîndan de çar aşman sey firsetêkî şuxulneno û xo perwerde keno. Bado ke zîndanî ra vejîyeno cade verê xo dano koyanê azadan ê Kurdîstanî. Hemrayê Şîyar hemleya xelisnayîşê Şingalî de ca geno seba ke DAÎŞî ra qesas bîgêro û şarê xo bipawo keda pîle dano. Dima ra reyna agêreno koyanê azadan û tewrê têkoşînê Avaşînî beno.
