Merkezê Îrtîbatî û Çapemenîye yê HPGyî nasnameyê 2 şehîdanê Tendurekî eşkera kerdî. Eşkerayîye wina ya:

''16ê tebaxa 2022yî de artêşa tirke ya qirkere vera warê Tendurekî yê Serhedî operasyonêkê îşxalî yo hîra dabi destpêkerdene û mabênê hêzanê ma û artêşa qirkere de pêkewtişê giranî qewimîyayî. Nê pêkewtişan de derbê giranî dîyayî dişmenî ro û embazanê ma Evîndare û Eyleme heta nefesê xo yê peyênî şer kerd, şehîd bîyî. Nê embazanê ma herêma Serhedî de bi serran seba averberdişê gerîlatîya cinîyan kedêka bêhempaye daye û ê pê tewirê qetî yê xeta azadîya cinîyan bîyî milîtanê serkewteyî yê YJA-Starî. Ma soz danê ke wayîrê mîrasê embazanê xo vejîyê, embazîya înan a PKKyî bipawê û pîl bikerê.

Nasnameyê embazanê ma yê şehîdan wina yê:

Nameyê Qodî: Evîndare Kevok Name û Peyname: Tugba Tambahçecî Cayê Bîyayîşî: Wan Maye-Pî: Hatune– Mehmet Emîn Tarîx û Cayê Şehadetî: 16ê Tebaxa 2022yî / Serhed

Nameyê Qodî: Eyleme Sîpan Name û Peyname: Devlete Taşir Cayê Bîyayîşî: Wan Maye-Pî: Fatma – Enver Tarîx û Cayê Şehadetî: 16ê Tebaxa 2022yî / Serhed

Embaze Evîndare Wan de dadîya xo ra bena. Embaze Evîndare wextê zanîngehî de mîyanê xebatanê ciwanan de ca gêna. Dima a 2011 de  verê xo dana koyanê azadan. Embaze Evîndare tewr zaf embazîya PKKyî ra tesîr bena. A wextêkê dergî Xakurkê û Zap de gerîlatîye kena û bi perwerdeyan xo aver bena. Perwerde ra dima a sey fermandarêka YJA-Starî wezîfe kena û 2016 de verê xo dana herêma Serhedî. Embaze Evîndare Koyê Agirî de bena ezametêke, vera îşxalkeran bi aktîfî têgêrena û tewr vernî de derban dana dişmenî ro.

Embaze Eyleme qezaya Erdîşî ya Wanî de dadîya xo ra bena.  Embaze Eyleme 2016 de wextê hêrişanê giranan ê vera gerîlayan de xeyalê xo yê domanîye ana ca û tewra gerîlayan bena. Embaze Eyleme cade cuya gerîlatîye musena. Embaze Eyleme Rayber Apoyî sey çimeyê cuya xo vînena û kena ke îdeolojîya ey hîna hol fam bikera. Embaze Eyleme sey gerîlayêka marîfetîne ya YJA-Starî herêma Serhedî de gerîlatîye kena. A bi taybetî warê Tendurekî de derbanê giranan dana dişmenî ro û serkêşîya çalakîyan kena. Embaze Eyleme 6 serran Serhed de seba averberdişê gerîlatîya cinîyan kedêka bêhempaye daye û tewirê xo bi cehdî pawit.

Ma sere de keyeyanê ercîyayeyan ê embazanê xo rê pêro şarê welatperwerî yê Wan û Kurdîstanî rê serweşîye wazenê.''