Merkezê Îrtîbatî û Çapemenîye yê HPGyî 4 gerîlayê ke bombarduman de şehîd bîyî yad kerdî. Eşkerayîye wina ya:

''Dewleta tirke ya îşxalkere seba qirkerdişê şarê kurdî, çarçewa hêrişanê çinkerdişî yê vera Têgêrayîşê Azadîye yê Kurdîstanî de 20ê kanûna 2015î de Herêmanê Pawitişî yê Medya bi giranî dayî bombayan ver. Netîceya bombardumanî de embazê ma Nesrîne, Mervan, Dilşêr û Sînan şehîd bîyî. Nê embazanê ma yê ke şehîd bîyî têkoşînê xo reyde, bi şehadetê xo hêvîyê azadîye yê şarê ma kerdî xurtêr. Ma serrgêra şehadetê înan de nê embazanê xo yê çêran bi rêzdarî yad kenê û sozê xo dibare kenê ke têkoşînê înan pîl bikerê.

Nasnameyê embazanê ma yê şehîdan wina yê:

Nameyê Qodî: Nesrîne Amanos Name û Peyname: Devlete Çelîk Cayê Bîyayîşî: Dîlok Maye-Pî: Zelîha-Huseyîn Tarîx û Cayê Şehadetî: 20ê Kanûna 2015î / Herêmê Pawitişî yê Medya

Nameyê Qodî: Mervan Başkale Name û Peyname: Hakan Işik Cayê Bîyayîşî: Wan Maye-Pî: Kevîye-Ziyaddîn Tarîx û Cayê Şehadetî: 20ê Kanûna 2015î / Herêmê Pawitişî yê Medya

Nameyê Qodî: Dilşêr Piling Name û Peyname: Nevzat Aldemîr Cayê Bîyayîşî: Colemêrg Maye-Pî: Emîne-Şukru Tarîx û Cayê Şehadetî: 20ê Kanûna 2015î / Herêmê Pawitişî yê Medya

Nameyê Qodî: Sînan Ozalp Name û Peyname: Mûhammed Esat Atan Cayê Bîyayîşî: Wan Maye-Pî: Panbûk-Nîzamettîn Tarîx û Cayê Şehadetî: 20ê Kanûna 2015î / Herêmê Pawitişî yê Medya

Embaze Nesrîne Dîlok de dadîya xo ra bîya. Embaze Nesrîne vera hêrişanê qirkeran ê dewlete 2004 de tewra gerîlayan bîye. Aye sere de Zap, Metîna, Garê, Heftanîn û Zagros de xeylêk waran de gerîlatîye kerde. Embaze Nesrîne xo xeta cinîya azade ya PAJKî de aver berde. Aye herêma Avaşînî de derbê giranî dayî dişmenî ro, têkoşînêko bêeman kerd û xeylêk çalakîyanê serkewteyan de rayberîye kerde. Embaze Nesrîne bîye milîyatanêka mîsale, xeta serkewtişî de bêmabên şîye. Embaz Nesrîne tim têkoşînê ma de biciwîya û rayîrê ma roşnî bikera.

Embaz Mervan Wan de dadîya xo ra bîyo. Ey ciwanîya xo de xeyalê xo yo tewr pîl ard ca û tewrê gerîlayan bi. Embaz Mervan Zagrosan de wextêkê kilmî de bi gerîlayêko marîfetin. O pê kesayetê xo yê fedakarî bi gerîlayêko serkewte û fermandarêko rayber. Ey enerjîya xo ya ciwanîye pêro waranê têkoşînî de eşkera kerde. Embaz Mervano ke heta şehadetê xo kedêka pîle mojnaye, pêro wezîfeyê xo ardî ca, tim do mîyanê têkoşînê ma de pê dînamîzmê xo biciwîyo.

Embaz Dilşêr Colemêrg de dadîya xo ra bîyo. O rêçê way û birayanê xo ser ra şi û tewrê gerîlayan bi. Embaz Dilşêrî tim têkoşîn de tewr vernî de ca girewt, pê raştîya şerî şikl girewt û bi wayîrê karakterêkê xurtî. O pê kesayetê xo yê kedkar û fedakarî zî bi mazharê heskerdişê embazanê xo. Embaz Dilşêr pê kelecan û coşî bi gerîlayo xurt ê Zagrosan. Embaz Dilşêro ke seba ke armancê şorişî bîyaro ca tewrbîyayîşo bêsînor esas girewt tim do mîyanê têkoşînê ma de biciwîyo û rayîrê ma roşnî bikero.

Embaz Sînan Wan de dadîya xo ra bîyo. Embaz Sînanî vera asîmîlasyonê dewlete verê xo da koyanê Kurdîstanî û bi gerîla. Embaz Sînan pê kesayetê xo yê kedkar û jîhatî bêteredut tewrê pêro çalakîyan bi, vera îşxalkeran têkoşîn kerd. Embaz Sînan pê kesayetê xo embazanê xo û dormeyê xo rê bi çimeyê moralî û ey tim xo rê milîtanîya aktîfe esas girewte. Mîraso ke embaz Sînanî pê tewrbîyayîşê xo yê bêsînorî û xurtî aferna, heta serkewtişî do mîyanê têkoşînê ma de biciwîyo.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''