Merkezê Îrtîbatî û Çapemenîye yê HPGyî nasnameyê 4 şehîdanê Botanî eşkera kerdî û nê vatî:

''Hemrayê ma Gulbahare, Rizgar, Devran û Dijwar aşma êlula 2020î de herêma Kato Marînosî yA Warê Botanî de pêkewtişêk de şehîd bîyî. Nasnameyê embazanê ma newe  ameyî zelalkerdene. Ma sere de keyeyanê ercîyayeyan ê şehîdanê xo rê şarê kurdî û ermmenî rê serweşîye wazenê. Ma soz danê ke ma do waştişê şehîdanê xo bîyarê ca.

Nasnameyê hemrayanê ma yê şehîdan wina yê:

Nameyê Qodî: Gulbahare Çirav Name û Peyname: Zozane Şalcı Cayê Bîyayîşî: Sêrt Maye-Pî: 5Behiye – Remzi Tarîx û Cayê Şehadetî: Êlula 2020î / Botan

 

Nameyê Qodî: Rizgar Serhat Name û Peyname: Bedirxan Pala Cayê Bîyayîşî: Colemêrg Maye-Pî: Beyaze – Hasan Tarîx û Cayê Şehadetî: Êlula 2020î / Botan

 

Nameyê Qodî: Devran Rubar Name û Peyname: Murat Maysan Cayê Bîyayîşî: Wan Maye-Pî: Meliha – Fettah Tarîx û Cayê Şehadetî: Êlula 2020î / Botan

 

Nameyê Qodî: Dijwar Mazlûm Name û Peyname: Abdulkadir Aktoga Cayê Bîyayîşî: Êlih Maye-Pî: Melike – Şakir Tarîx û Cayê Şehadetî: Êlula 2020î / Botan

 

Hemraya ma Gulbahara ke keyeyêkê ermenî ra ya qezaya Dihê ya Sêrtî de yena dinya û 2013 de tewrê refanê gerîlayan bena û nameyê fermandaranê efsaneyan ê Botanî ra Gulbahare Gulhat gena. Demê kilmî de musana cuya gerîlatîye û xo her hetî ra aver bena.  Sey gerîlayêka YJA Starî cuya û şer de serkêşîye kena.  Gama ke 2015 de şer dest pêno herêma Zapî de cayê xo gena û tîya tewrê xeylêk çalakîyanê serkewteyan bena.

Prosesê nê şerî di 2 rey birîndar bena la têkoşînî ra peyser game nêerzena.  Hemraya ma Gulbahara ke xeylêk wext fermandarîye kena xeylêk tecrube kena pêser û sey fermandara herême verê xo dana Vakurê Kurdîstanî. Botan de rêçê fermadaran Adîl, Gelhat, Gulbahare Gulhatan de têkoşîn kena.

Hemrayê ma Rizgar Colemêrg de yeno dinya û  bi kulturê welatperwarîye beno pîl. Rîyê polîtîkayanê hêrişkaran ra keyeyê ci bar keno şino Wan. Seba ke keyeyê ci welatperwer o, rewî ra Têgêrayîşê Azadîye yê Kurdîstanî nas keno û 2013 de verê dano koyanê azadan ê Kurdîstanî. Roja tewrbîyayîşî ra heta qerardar têkoşîn keno, her hetî ra xo perwerde keno û beno gerîlayêko serkewte.

Hemrayê ma Botan 2015 de verê xo dano Botanî ke tira vano herra bimbareke. Botan de xeylêk çalakîyan rê serkêşîye keno ke nê çalakîyan de derbeyê girdî dîyenî dişmenî ro. 2016 de Xoverdayîşê Xoîdarekerdişî de rolo aktîf kay keno û nê rolê xo biserkewtiş ano ca. 2015î ra heta 2020î Botan de derbeyanê girdan dano dişmenî ro.

Hemrayê Devran Wan de yeno dinya û  2015 de tewrê refanê gerîlayan beno. Herêmanê Pawitişî yê Medya de perwerdeyê esasî vîneno. Sere de biney tengayî bianco zî gerîlatîye museno û cehd keno ke xo aver bêro. Dima ke hetê îdeolojî ra perwerde geno şino akademîyanê leşkeran. Badê  perwerdeyî sey gerîlayêkê pîsporî û verê xo dano Vakurê Kurdîstanî. Gerîlatîya Vakurê Kurdîstanî de çalakîyanê serkewteyan de ca geno û derbeyanê girdan dano dişmenî ro.

Hemrayê ma Dijwar Êlih de yeno dinya û seba ke keyeyê ci welatperwer o domanîya xo ra Têgêrayîşê Azadîye yê Kurdîstanî nas keno û 2018 de verê dano koyanê azadan ê Kurdîstanî.  Hemrayê ma Dijwaro ke lezabez museno şertanê şerî perwerdeyê esasî leşkerî vîeneno. Her hela xo pê musayîşî vernêno. Prosesê operasyonan giranan de sey leteyêkê tekoşînê vera dişmenî şino dişmenî ser û çalakîyan serkewteyan de ca geno.''