Merkezê Îrtîbatî û Çapemenîye yê HPGyî nasnameyê 4 şehîdanê Gabarî eşkera kerdî. Eşkerayîye wina ya:

''9ê çeleyê 2013î de warê Gabarî de mabênê hêzanê ma û artêşa tirke ya îşxalkere de pêkewtişê giranî qewimîyayî. Nê pêkewtişan de serkêşanê têkoşînê ma yê azadîye Evrîme, Hogir, Şervan û Rênasî heta nefesê xo yê peyênî bi qehremanî şer kerd û şehîd bîyî. Nê embazê ma pê tewrbîyayîşê xo yê fedayî bîyî ewladê şarê ma yê tewr ercîyayeyî û ê do pê şehadetê xo zî serkêşîya embazanê xo bikerê. Embazê ma Evrîme, Hogir, Şervan û Rênas pê keda xo ya seba servistişê têkoşînê azadîye tim do vîrê ma de bibê. Nê embazê ma yê ke pawitox û afernayoxê raştikênî yê Şorişê Kurdîstanî yê, ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Evrîme Sumbul Name û Peyname: Menîce Ozkan Cayê Bîyayîşî: Colemêrg Maye-Pî: Melîha – Ahmet Tarîx û Cayê Şehadetî: 9ê Çeleyê 2023yî / Gabar

Nameyê Qodî: Hogir Botan Name û Peyname: Omer Sungur Cayê Bîyayîşî: Konya Maye-Pî: Hatîce – Mehmet Nezîr Tarîx û Cayê Şehadetî: 9ê Çeleyê 2023yî / Gabar

Nameyê Qodî: Şervan Çiya Name û Peyname: Mustafa Bayindir Cayê Bîyayîşî: Êlih Maye-Pî: Hediye – Îhsan Tarîx û Cayê Şehadetî: 9ê Çeleyê 2023yî / Gabar

Nameyê Qodî: Rênas Serfiraz Name û Peyname: Mehmet Yilmaz Cayê Bîyayîşî: Amed Maye-Pî: Caziye – Giyasettîn Tarîx û Cayê Şehadetî: 9ê Çeleyê 2023yî / Gabar

Embaze Evrîme Colemêrg de dadîya xo ra bena. Embaze Evrîma ke 2004 de PKK şinasnayo, hêrişanê dişmenî ra dima bire dana û Zagrosan de tewra gerîlayan bena. A herêma Avaşînî de perwerdeyê verênî vînena. Embaze Evrîm 2016 de vera hêrişanê DAÎŞî xeylêk cepheyan de şer kena û bena wayîra tecrubeyanê girîngan. Embaze Evrîme dima waştişê xo ser o derbazê warê Gabarî yê Botanî bena. Embaze Evrîme Gabar de xeylêk çalakîyanê serkewteyan de serkêşîye kena û bena fermandarêka YJA-Starî. Embaze Evrîme sere de Botan de pêro Kurdîstan de pê têkoşînê xo embazanê xo rê bena nimûne.

Embaz Hogir mîyanê keyeyêkê botanijî de Konya de dadîya xo ra beno. Embaz Hogir verî xebatanê ciwanan de cagêno, 5 reyî yeno destbendkerdene û nê teda û hêrişanê dişmenî ra dima zî 2011 de tewrê gerîlayan beno. O Metîna de perwerde gêno û Heftanîn de pratîkê verênî ano ca. Embaz Hogir 2013-2016 de vera cerganê DAÎŞî şer keno û serkewtişî ra dima agêreno koyanê azadan. Embaz Hogir dima Akademîya Mazlûm Doganî de perwerde vîneno. Embaz Hogir şehadetê merdimanê xo Canfeda Botan û Brûsk Cîzre ra dima waştişê xo ser o derbazê Botanî beno. Embaz tîya de erkanê girîngan ano ca. O tim embazanê xo rê beno çimeyê moral û hêzî.

Embaz Şervan Sasonê Êlihî de dadîya xo ra beno.  Embaz Şervan 2011 de tewrê xebatanê ciwanan beno û partîya ma nêzdî ra şinasneno. Embaz Şervan 2013 de tewrê gerîlayan beno û wextêk Vakurê Kurdîstanî de gerîlatîye keno. Dima o derbazê Herêmanê Pawitişî yê Medya keno û tîya de perwerde zî gêno. Embaz Şervano ke zanîngeh de weşîye ser o wendbi, beno doktor Şervan. Embaz Şervan warê leşkerîye de zî xo xeylêk aver beno û beno fermandarêko marîfetîn. Embaz Şervan waştişê xo ser o derbazê Gabarî beno û keno ke armancê azadîya şarê ma bîyaro ca. Embaz Şervan rêçê Fermandarê Bêmergî Egîdî (Mahsum Korkmaz) de şino û beno şehîd.

Embaz Rênas Amed de dadîya xo ra beno.  Embaz Rênas şehadetê merdima xo Silave Amed (Fîlîze Tabu) ra dima tewra xebatanê ciwanan beno û wextê hêrişanê vera Şorişê Rojawanî de 2014 de tewrê gerîlayan beno. O Heftanîn de perwerdeyê verênî vîneno, dima Akademîya Mahsum Korkmazî de zî perwerde vîneno. Embaz Rênas dima sey fermandarêkî reyna derbazê Heftanînî beno û hêrişanê vera Heftanînî de çalakîyanê serkewteyan de cagêno. Embaz Rênas dima agêreno kelaya xoverdayîşî ya verêne Vakurê Kurdîstanî û Gabar de wezîfe keno. Embaz Rênas rixmê şertanê zehmetan zî Gabar de derbanê giranan dano dişmenî ro û qetî têkoşînî ra tawiz nêdano. Embaz Rênas heta nefesê xo yê peyênî şer keno û beno şehîd.''