Merkezê Îrtîbatî û Çapemenîye yê HPGyî nasnameyê çar şehîdanê Herêmanê Pawitişî yê Medya eşkera kerdî. Eşkerayîye wina ya:

''Gerîlayê azadîye yê Kurdîstanî vera hêrişanê dewleta tirke ya îşxalkere bi hawayêkê bêhempayî û bi îrade şer kenê. Vera hêrişanê bi çekanê qedexekerdeyan û teknîkê şerî gerîlayî bi ruhê fedayî yê Apogîrî, îradeyê zixmî û cesaretê pîlî têkoşîn kenê û her bedelî danê. Embazanê ma Ozgur Ronî, Armançe Cemre, Avesta Sîpan û Engîn Tolhildan bi nê feraset, tewir û bawerî şer kerd û 17ê temmuza 2022yî de Herêmanê Pawitişî yê Medya de hêrişê dişmenî de şehîd bîyî.

Ma embazanê xo Ozgurî, Armançe, Avesta û Engînî serrgêra şehadetê înan de bi minet û rêzî yad kenê. Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. 

Nasnameyê embazanê ma yê şehîdan wina yê

Nameyê Qodî: Ozgur Ronî Name û Peyname: Ozgur Alparslan Cayê Bîyayîşî: Wan Maye-Pî: Kudrete – Muzaffer Tarîx û Cayê Şehadetî: 17ê Temmuza 2022yî / Herêmê Pawitişî yê Medya

 

Nameyê Qodî: Armançe Cemre Name û Peyname: Fatoşe Zugurlî Cayê Bîyayîşî: Duzce Maye-Pî: Netice – Mehmet Tarîx û Cayê Şehadetî: 17ê Temmuza 2022yî / Herêmê Pawitişî yê Medya

 

Nameyê Qodî: Avesta Sîpan Name û Peyname: Derya Altintaş Cayê Bîyayîşî: Wan Maye-Pî: Perîhane – Cevdet Tarîx û Cayê Şehadetî: 17ê Temmuza 2022yî / Herêmê Pawitişî yê Medya

 

Nameyê Qodî: Engîn Tolhildan Name û Peyname: Huseyîn Bağci Cayê Bîyayîşî: Êlih Maye-Pî: Fatma – Şehmus Tarîx û Cayê Şehadetî: 17ê Temmuza 2022yî / Herêmê Pawitişî yê Medya

 

Embaz Ozgur Qelqelîya Wanî de dadîya xo ra beno û Îstanbul de beno pîl. Embaz Ozgur 2007 de vera tecrîdê serê Rayberîye tewrê çalakîyan beno û 2009 de zî verê xo dano koyan. Embaz Ozgur Zagrosan de têkoşîn keno. O 2011 de beno şahîdê qirkerdişê vera 36 gerîlayan. Embaz Ozgur Ocaxê Partî yê Sakîne Cansiz de perwerde vîneno. O xoverdayîşê xoîdarekerdişî de binê siwana YSPyî de şer keno. Embaz Ozgur Zap, Avaşîn û Metîna de sey fermandarêkî şer keno û bi têkoşînê xo tim beno layîqê şehîdan.

 

Embaze Armançe mîyanê keyeyêkê amedijî de Duzce de dadîya xo ra bena. A 2015 de tewra xebatanê Komalanê Ciwanan bena, xoverdayîşê xoîdarekerdişî yê Nisêbînî de cagêna. Dima tepişîyena û serrêke û nêm zîndan de manena.

Dima ke zîndanî ra vejîyena verê xo dana koyan. Embaze Armanç koyan de tim xeta Zîlane de têkoşîn kena, xo ver dana. Embaze Armança ke teqîbkerdoxanê xeta fedayîye ra yew bîye bi têkoşîn û tewirê xo zî tim bena layîqa şehîdan û Rayberîye.

Embaze Avesta Wan de dadîya xo ra bena û Îstanbul de bena pîl. Embaze Avesta hêrişanê DAÎŞî ra dima 2014 de verê xo dana koyan. Embaze Avesta wextêkê kilmî de bena gerîlayêka YJA-Starî ya marîfetîne. A bi kede Zagrosan de têkoşîn kena û têkoşînê xo de zî tim cinîya azade û milîtane temsîl kena. Embaze Avesta pê tewrbîyayîş û têkoşînê xo mojnena ke cinîyî eşkenê bi hêzê xo yê esasî se bikerê. Embaze Avesta do bi şehadetê xo zî tim serkêşîya embazanê xo bikera.

Embaz Engîn Êlih de dadîya xo ra beno.  Embaz Engîno ke yew kekê ci şehîd o û oyo bîn zî zîndan de yo, îşxalê Efrînî ra dima 2018 de bi hêrsê pîlî verê xo dano koyan beno gerîla. Embaz Engîn cade cuya koyan rê adapte beno. O pê nasnameyê PKKyî kesayetê xo newe ra awan keno û nê bingeyî ser o têkoşîn keno. Embaz Engîn xebatanê YSPyî de zî cagêno û beno milîtanêko nimûne. Herçiqas ma pê şehadetê ey zaf dejayê zî şehadetê ey bawerîya ma ya bi serkewtişî zî bihêz kerda.''