HPGyî nasnameyê di şehîdan eşkera kerdî
HPGyî da zanayene ke 2 gerîlayî 27ê temmuze de hêrişê hewayî yê Avaşînî şehîd bîyî û nasnameyê înan eşkera kerdî.
HPGyî da zanayene ke 2 gerîlayî 27ê temmuze de hêrişê hewayî yê Avaşînî şehîd bîyî û nasnameyê înan eşkera kerdî.
Merkezê Îrtîbatî û Çapemenîye yê HPGyî da pêhesanyene ke di gerîlayî Avaşîn de şehîd bîyî nê pare kerdî:
''Ma eşkerayîya xo ya 28ê temmuze de dabi zanayeneke ke embazê Helmet û Tekoşer 27ê temmuze de hêrişê hewayî yê Avaşînî şehîd bîyî. Embazê ma yê ke şehîd bîyî zanayîşê nasnameyê înan wina yê:
Nameyê Qodî: Helmet Kine Name û Peyname: Cemîl Muhammed Cayê Bîyayîşî: Kobanê Maye-Pî: Rabîa – Îbrahîm Tarîx û Cayê Şehadetî: 27ê Temmuza 2020î / Avaşîn |
Nameyê Qodî: Tekoşer Kahraman Name û Peyname: Rojhat Akdag Cayê Bîyayîşî: Colemêrg Maye-Pî: Aytene – Rahmî Tarîx û Cayê Şehadetî: 27ê Temmuza 2020î / Avaşîn |
Hemrayê ma Tekoşer 1993 de Colemêrg de ameyo dinya û bi zanyîşê xorî yê welatperwerîye bîyo pîl. Embaz Tekoşer vera asîmîlasyonê dewleta tirke 2015 de verê xo dano koyanê azadan û demo kilm de beno gerîlayo serkewte. Hemra Tekoşero ke bi serranê dergan Zagrosan de gerîlatîye kerde, hela tewrbîyayîşî ra heta nefesê xo yê peyênî keda pîle daye û heme berpirsîyarîye xo bi serkewtişî ardî ca.
Hemrayê ma Helmet serra 1998î de cayê xoverdayîşo ke semedê şaranê bindestan bîyo hêvî Kobanê de ameyo dinya û serra 2019î de tewrê sefanê gerîlayan bîyo. Nameyê fermandarê pîlî yê Helmetî girewt ke cewab bido dişmenî. Hemrayê ma Helmeto ke vera hêrişê dewleta tirke yê vera Başûrê Kurdîstanî tewr gerîlyan bi badê perwerdeyê xo yê bingeyênî xîret kerd ke cephe de ca bîgêro û demo kilm de heqê nameyê xo da.
Sere de keyeyê hemrayanê ma Tekoşêr û Helmetî me heme şarê welatperwerî yê Kurdîstanî rê seweşîye wazenê û soz serkewtişî newe kenê.''