Merkezê Îrtîbatî û Çapemenîye yê HPGyî nasnameyê di gerîlayanê ke par Avaşîn de şehîd bîyê eşkera kerdî.

Eşkerayîye wina ya:

''26ê adara 2021î de hêrişanê artêşa tirke ya îşxalkere yê vera Avaşînî de embazê ma Serhed û Agît şehîd bîyî. Nê embazê ma bi tewirê xo yê milîtanîya Apogîre pêro embazan rê bîyî mîsal û pê şehadetê xo xoverdayîşê Metîna, Avaşîn û Zapî rê bîyî çimeyê îlhamî, bîyî xeta xoverdayîşî. Ma serrgêra şehadetanê înan de wird embazanê xo yê çêran zî yad kenê, soz danê ke qerardarî û îdîaya înan xo rê mîsal bigêrê.

Nasnameyê embazanê ma yê şehîdan wina yê:

Embaz Serhed şaristanê Amûdê yê Rojawanî de dadîya xo ra bîyo. Şorişê Rojawanî ra dima embaz Serhedî xebatanê şorişî de ca girewt û serra 2013î de zî verê xo da koyanê gerîlayan. Embaz Serhed pê kede, moral û coşê xo tim embazanê xo ser de rêçêke verdaye. Embaz Serhedî gerîlatîye de tim xo aver berd û xo rê îdeolojîya Rayberîye de xorinbîyayîş esas girewt. Embaz Serhedo ke pê kesayetê xo yê zerrînizmî şinasîyeno pê tewirê xo yê fedayî tim bêro vîrardene.

Embaz Agît qezaya Hezexî ya Şirnexî de dadîya xo ra bîyo. Embaz Agîto ke wextêk metropolanê Tirkîya de ciwîyayo, polîtîkayê faşîstî yê dewlete nêzdî ra dîyî û Şorişê Rojawanî ra dima tewrê gerîlayan bi. Embaz Agîtî xîret kerd ke perwerdeyan de çi musayo bîyaro ca û gerîlatîye de profesyonelîye esas girewte. Embaz Agît bi nê ruhê fedayî yê Apogîrî bi fermandarêko marîfetin. Têkoşîno bêhempa û performansê embaz Agîdî tim do ma rê bibo çimeyê îlhamî. O do sey gerîlayêkê profesyonelî tim mîyanê têkoşînê ma de bêro vîrardene.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma ancî soz danê ke têkoşînê şehîdanê xo yê çêran bi serfîrazî tacîdar bikerê.''