Merkezê Îrtîbatî û Çapemenîye yê HPGyî nasnameyê di gerîlayanê ke Amanosan de şehîd bîyî eşkera kerdî û nê pare kerdî:

''Hemrayê Bedreddîn Amanos û Aydin Amanos ê ke sey ewladanê asîlan ê koyanÊ Botan û Torosan destê yewbînan girewt û Amanosan de bi hewayêkê qehremankî şer kerd  û bîyî hêvîya azadîye yê şaran ma, ma serrgêra şehadetê înanê de înan bihurmet yad kenê. Ma keyeyanê erjîyayeyan ê hemrayanê xo û şaranê Kurdîstan û Tirkîya rê serweşîye wazenê. Ma soz danê ke ma do şexsê nê wird fermadaranê xo yê qehremanan de şorişê azadîye bi serkewtişî tacîdar bikerê.

Nasnameyê hemrayanê ma yê şehîdan wina yê:

Nameyê Qodî: Bedreddin Amanos Name û Peyname: İbrahim Şengul Cayê Bîyayîşî: Karaman Maye-Pî: Fatma – Ahmet Tarîx û Cayê Şehadetî: 17ê Teşrîna Verêna 2020î / Amanos

Nameyê Qodî: Aydin Amanos Name û Peyname: İsmail Erbay Cayê Bîyayîşî:  Sêrt Maye-Pî: Bedra – Mehmet Şirin Tarîx û Cayê Şehadetî: 17ê Teşrîna Verêna 2020î / Amanos

Hemrayê ma Bedreddîn 1975 de qezaya Ermenekî ya Karamanî de keyeyêko tirkmenî de yeno dinya. Seba ke heme qişkek bi  birayê ci ame tepiştene no serê ey de zaf tesîr keno.Wexto ke Unîversîteya Çukurova de Fakulteyê Perwedeyî de waneno problemanê welat û komelî dahîna nizdî ra vîneno û tewrê  xebatanê YCK (Yekîtiya Ciwanên Kurdistan) beno. 1993 de Amed de tewrê sefanê gerîlayan beno. Eyaletanê Amed, Erzirom û Dêrsimî de di serrî maneno. 1995 de beno birîndar û ravêreno warê Rayberîye. Tîya Rayber Apoyî vîneno.  Rayber Apo qiseykerdişê xo yê bi hemrayê ma Bedereddînî de senî ke nê rojan bivîno, vano; ''Rayraşîyayîşê to yê Torosan ra beno ke yewna qehremanê şarî vejîyo.'' Bado ke  warê Rayberîye de perwerde vîneno 1996 de ravêreno Amanosan, 1997 de ravêrno Torosan. Torosan ra şino Akdenîz û ûca ra zî verê xo dano Antalya.

1999î de reyna agêreno Amanosan û wextê prosesê peyser agêrayîşî de ravêreno Herêmanê Pawitişî yê Medya. Heta 2003 Qendîl de maneno û dima ra pê waştişê xo agêreno Amanosan û heta 2005 ûca de maneno. 2006 de Akademîya Leşkerî ya Mahsûm Korkmazî de perwerde vîneno. Badê perwerdeyî Fermandarîyanê  Eyaletî yê Xinerê û Qendîl de ca geno. Fermandarîya manga ra heta fermdanrîya eyaletî heme wezîfeyanê xo bi serkewtişî ano ca. Semedê karanê xo yê serekwteyan xelate geno. 2012 de sey Endamê Fermandarîya Warê Amanosî reyna agêreno Amanosan û dima ra sey Fermanarê Warî wezîfe geno heta roja şehadetê xo Amanosan de têkoşîno xurt rayra beno û ters û xof fîneno zereyê dişmenî.

Hemrayê Aydin qezaya Dihê ya Sêrtî de yeno dinya û seba ke dişmenî dewa înan vêşnaye keyeyê ci mecbur maneno ke bar bikero şiro Mersin. Hemrayê Aydin Mersin de bibo pîl zî çirey welat û nasnameyê xo ra nêqilîyeno ra. Seba ke dezayê ci Yilmaz tewrê sefanê gerîlayan beno no ey ser tesîr keno, têgêrayîşê azadîye rê keno nizdî. Hemrayê ma Aydin vera polîtîkaya hêrişkare yê dewlete ke vera kurdan yena rayberdene 2008 de verê xo dano koyanê azadan ê Kurdîstanî û Garê de destpê gerîlatîye keno. 

Badê perwerdeyan sey gerîlayêkê serkewteyî dest pê xebatan keno. Hîrê serî pratîk de ca geno û dima ra seba ke bibo gerîlayêko profesyonel akademî de tewrê perwerdeyê pîsporîye beno. Hemrayê ma Aydin seba ke perwerdeyo ke dîyo pratîk de ramojno 2012 de ravêreno Amanosan û tîya panc serrî şertanê zehmetan de tewrê xebatan beno. 2014 de hemrayê ma Yilmazo ke dezayê hemrayê ma Aydin o şehîd beno û no zî hêrsê ci yê vera dişmenî zafêr keno. Badê pratîkê dergî agêreno Herêmanê Pawitişî yê Medya û Akademîya Leşkerî ya Mahsûm Korkmazî de perwerde vîneno. Badê perwerdeyî  sey fermandarê serkêşî agêreno warê Amanosî û heta roja şehadetê xo têkoşîn keno.''