HPGyî nasnameyê di şehîdan eşkera kerdî
HPGyî nasnameyê di şehîdanê Metîna eşkera kerdî û vat: ''Ma soz danê ke bi hişmendîya ke bibê layîqê şehîdanê xo têkoşînê înan do biresnê serfîrazîyê.''
HPGyî nasnameyê di şehîdanê Metîna eşkera kerdî û vat: ''Ma soz danê ke bi hişmendîya ke bibê layîqê şehîdanê xo têkoşînê înan do biresnê serfîrazîyê.''
Merkezê Îrtîbatî û Çapemenîye yê HPGyî nasnameyê di şehîdanê Metîna eşkera kerdî.
Eşkerayîye wina ya:
''19-20ê gulana 2024î de herêma Metîna de embazanê ma Yekbûne û Rûstemî heta nefesê xo yê peyênî cewabê hêrişanê dişmenî kerd, bi fedayîtîye şer kerd û ê tewrê karwanê şehîdan bîyî.
Ma soz danê ke bi hişmendîya ke bibê layîqê şehîdanê xo têkoşînê înan do biresnê serfîrazîyê. Bi nê hîsan ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
Nameyê Qodî: Yekbûne Şoreş Name û Peyname: Nîsane Ay Cayê Bîyayîşî: Amed Maye-Pî: Ayhane – Mehmet Emîn Tarîx û Cayê Şehadetî: 19ê Gulana 2024î / Metîna |
|
Nameyê Qodî: Rustem Hemdem Name û Peyname: Sedat Ozen Cayê Bîyayîşî: Mûş Maye-Pî: Perîhane – Misbeh Tarîx û Cayê Şehadetî: 20ê Gulana 2024î / Metîna |
Embaza ma Yekbûne Amed de dadîya xo ra bena la keyeyê ci tedayanê dewlete ra koçê Îzmîrî keno. Embaze Yekbûne Îzmîr de bena pîl la tim kurdayetîya xo zî pawena. Embaze Yekbûne xoverdayîşanê xoîdarekerdişan rê bitesîr bena û 2019 de tewra gerîlayan bena. A perwerdeyanê verênan ra dima Herêmanê Pawitişî yê Medya de erk kena. Embaze Yekbûne tim kena ke biba gerîlayêka YJA-Starî ya marîfetîne. A herêma Metîna de vera îşxalkeran bi îradeyêkê xurtî şer kena û pêro erk û mesuldarîyanê xo zî ana ca. A 19ê gulane de Metîna de bi giranî birîndar bena la rixmê ney zî heta peynî şer kena. Ma soz danê ke têkoşînê aye biresnê serfîrazîye.
Embaz Rustem qezaya Tîlî ya Mûşî de dadîya xo ra bena. Embaz Rustem wextê zanîngehî de raştîya dişmenî hîna hol dam keno. O zanîngeh de tewrê xebatanê ciwananê şorişgêran beno. Embaz Rûstem o çax tepişîyeno û 10 serran zîndan de esîr maneno. Dima ke zîndanî ra vejîyeno zî verê xo dano koyan û 2018 de beno gerîla. O beno şahîdê xoverdayîşê Garê yê sibata 2021î. Embaz Rustem perwerdeyê pisporîye gênıo û Warê Xoverdayîşî yê Girê Hekarî de derbanê giranan dano dişmenî ro. Wextê hêrişanê dişmenî de 16ê nîsane de hêverî o cewabê dişmenî dano. Embaz Rustem 20ê gulane de beno birîndar la seba ke nêkewo destê dişmenî xo ser de bomba teqneno û beno şehîd. Ma soz danê ke do xeyalanê ey teqîb bikerê û ala ci ya têkoşînî bi serkewtişî berz bikerê.''