HPGyî nasnameyê di şehîdan eşkera kerdî
HPGyî nasnameyê di şejîdan eşkera kerdî û vat: ''Embazanê ma Vakurê Kurdîstanî de xeta fedayîtîye de xo ver da û ê vera pêro hêrişanê dişmenî ver vejîyayî.''
HPGyî nasnameyê di şejîdan eşkera kerdî û vat: ''Embazanê ma Vakurê Kurdîstanî de xeta fedayîtîye de xo ver da û ê vera pêro hêrişanê dişmenî ver vejîyayî.''
Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
''Menga peyêne de dişmenî waranê Mawa, Hezex û Kerboranî yê Eyaletê Gabarî de operasyonê zafî kerdî. Embazê ma Gabar de raştê hêrişanê qoricî, kontra û leşkeran ameyî. Rixmê ney zî embazanê ma Vakurê Kurdîstanî de xeta fedayîtîye de xo ver da û ê vera pêro hêrişanê dişmenî ver vejîyayî. Embazanê ma hêrişê dişmenî pûç kerdî, dersê tarîxî dayî dişmenî û derbê giranî dayî piro. Embazanê ma Herekolî û Ekîne pa embazanê ma Şervan, Axîne û Bêrîtane hêrişê dişmenî pûç kerdî û da dişmenî ro. Embazê ma Herekol û Ekîne 13ê temmuza 2024î de netîceya bombardumananê dişmenî de şehîd bîyî.
Ma sere de keyeyanê nînan ê ercîyayeyan rê pêro şarê ma yê Gever, Qamişlo û Kurdîstanî yê welatperwerî rê serweşîye wazenê. Ma soz danê ke rêçê embazanê xo yê fedayîyan ê Apogîran de şorê, armanc û vîrameyîşanê înan bipawê.
Nasnameyê embazanê ma yê şehîdan wina yê:
|
Nameyê Qodî: Herekol Şiyar Name û Peyname: Taner Ogmen Cayê Bîyayîşî: Colemêrg Maye-Pî: Zubeyde – Abdurrahman Tarîx û Cayê Şehadetî: 13ê Temmuza 2024î / Gabar |
|
Nameyê Qodî: Ekîne Amanos Name û Peyname: Çinare Ahmed Cayê Bîyayîşî: Qamişlo Maye-Pî: Salîha – Said Tarîx û Cayê Şehadetî: 13ê Temmuza 2024î / Gabar |
Embazê ma Herekol Gever de dadîya xo ra beno. O domanîya xo de beno sempatîzanê gerîlayan. 9 serrîya ci ra dima keyeyê ci koçê Îstanbulî keno. La o tim kurdayetîya xo paweno. Embaz Herekol hêverî tewrê xebatanê ciwanan beno û 2010 de zî beno gerîla. Emba Herekol mîyanê gerîlayan de tim xo aver beno. O wextêk Herêmanê Pawitişî yê Medya de xo ver dano, dima derbazê Botanî beno. Embaz Herekol wextê xoverdayîşanê xoîdarekerdişan de seba erkêkî şino Îstanbul la tîya de esîr beno. Embaz Herekol 7 mengan zîndan de maneno û dima ke zîndanî ra vejîyeno ancî verê xo dano koyan. O Gabar de wezîfe keno û tîya de şehîd beno.
Embaza ma Ekîne Qamişlo de dadîya xo ra bena. A mîyanê gerîlayan de bena pîle. Embaza ma Ekîne hêverî refanê Şorişê Rojawanî de cagêna, vera cerganê DAÎŞî Serêkanîyê de şer kena û dima zî verê xo dana koyan. Embaze Ekîne wextêkê kilmî de bena gerîlayêka YJA-Starî ya marîfetîne. A xeylêk waranê Herêmanê Pawitişî yê Medya de erk kena û dima derbazê Vakurê Kurdîstanî bena. Embaza ma Ekîne Vakur de zî tim serkewtişî xo rê kena armanc û nê armancî ser o têgêrena. A qetî qerardarîya xo ra tawîz nêda û bi fedayîtî rayraşîyayîşê xo yê şorişî temam kena.''