Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdanê Heftanînî eşkera kerdî. Eşkerayîye wina ya:

''17ê êlula 2022yî de operasyonê artêşa tirke ya îşxalkere yê vera waranê Keşan û Şehîd Kendalî yê Heftanînî de embazanê ma Ciwana û Amara verê dişmenî girewt û derbê giranî dayî dişmenî ro. Embazanê ma Ciwana û amara xeylêk leşkerê dişmenî birîndar kerdî û ceza kerdî. Embazê ma pêkewtişan de bi giranî birîndar bîyî û seba ke nêkewê destê dişmenî xo ser de bomba teqnaye, şehîd bîyî. Embaze Ciwana û Amara sey şagîrtanê xeta fedayîtî ya Bêrîtane û Zîlanan erkê xo yê milîtanîye bi serkewtişî qedînayî. Nê embazanê ma sey milîtananê ercîyayeyan ê têkoşînê azadîya Kurdîstanî pê şehadetê xo ma rê bîyê fermanê zêdînayîşê têkoşînî, îdeolojîya azadîya cinîyan de xorinbîyayîş û fermanê awankerdişê cuya azade. Bi na hişmendî ma reyna şexsê embaze Amara û Ciwana de soz danê pêro şehîdan ke bibê layîqê înan.

Nasnameyê embazanê ma yê şehîdan wina yê:

Nameyê Qodî: Ciwana Cûdî Name û Peyname: Fatma Erener Cayê Bîyayîşî: Şirnex Maye-Pî: Seyrane – Mehmet Tarîx û Cayê Şehadetî: 17ê Êlula 2022yî /Heftanîn

Nameyê Qodî: Amara Cûdî Name û Peyname: Zeynepe Gunden Cayê Bîyayîşî: Îstanbul Maye-Pî: Safîye – Ahmet Tarîx û Cayê Şehadetî: 17ê Êlula 2022yî /Heftanîn

Embaze Ciwana Botan de dadîya xo ra bena. Embaze Ciwana cigêrayîşanê xo ra dima serrgêra Komployê 15ê Sibate de 2014 de tewra gerîlayan bena. A pê kesayetê xo bena mazhara heskerdişê embazanê xo. Embaze Ciwana Zap de dest pê gerîlatîye kena û dima Akademîya Şehîde Bêrîtane de perwerde vînena. A dima sey fermandarêke Heftanîn de wezîfe kena.

Embaze Ciwana Heftanîn de Hemleya Şorişgêre ya Cengê Heftanîn de xeylêk çalakîyanê serkewteyan de cagêna û derbanê giranan dana dişmenî ro. Embaze Ciwana tim seba embazanê xo xebitîyena û her ca de hetê embazanê xo ra yena heskerdene. Embaze Ciwana sey fermandarêke Hemleya engê Heftanînî de rolê serkêşîye ana ca.

Embaze Amara mîyanê keyeyêkê Wanî de Îstanbul de dadîya xo ra bena. Dima ke waka ci tewra gerîlayan bena embaze Amara 2015 de tewra gerîlayan bena. Embaze Amara wextêkê dergî Heftanîn de gerîlatîye pratîze kena û pêro erkanê xo bi layîqî ana ca.

Embaze Amara tim kena ke felsefa û îdeolojîya azadîya cinîyan a Rayberîye ser o têbigêra û xo aver bera. Embaze Amara kena ke embazanê xo rê serkêşîye bikera û tecrubeyanê xo înan de pare bikera. Heftanîn de xeylêl çalakîyanê serkewteyan de a kedêka pîle dana, derban dana dişmenî ro û şehîd bena.

Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê û soz danê ke xeyalê Kurdîstanê Azadî û Rayberîya Azade yê şehîdan bîyarê ca.''