Merkezê Îrtîbatî û Çapemenîye yê HPGyî eşkera kerd ke gerîlaya tirkîyayîje, enternasyonalîste û Apogîre  Ekîne Wan şehîd bîya. Eşkerayîye wina ya:

''Komloyo Neteweyî yo Newe yê vera Rayberîye û têgêrayîşê ma Zap, Avaşîn û Metîna de pê pêkewtişanê german û şerê giranî dewam keno. Nê şerî de ewladê tewr rinî yê ereb, kurd û şaranê Tirkîya xo ver danê. Nê şerê azadîye de ma embazanê xo yê tewr ercîyayeyan şehîd danê. Nê şerê stratejîk û tarîxîyî de ke merkezê ci Zap o, embaze Ekîne Wan 15ê gulana 2022yî de pêkewtişêk de şehîd bîye ke a heta şehadetê xo bi çêrî mîyanê şerî de bîya û bi tesîr û afernayoxî dayêne dişmenî ro. Embaze Ekîna ke Tirkîyayîj, enternasyonalîst û apogîre bîye, ma sere de keyeyê aye yê Arslanî rê pêro şaranê Tirkîya û Kurdîstanî yê demokrat-sosyalîstan rê serweşîye wazenê. Têkoşîn û tewirê aye yo enternasyonalîst mîsalanê nadîdeyan ê têkoşînê hemparî yê şaranê Tirkîya ra yew o. Şarê Tirkîya seba ke wayîrê ewladêka winasêne ya çend sereberz bibo tay o. Ma îfade kenê ke têkoşînê embaze Ekîne xo rê mîsal bigêrê, sîstemê faşîst, kolonyalîst û qirkerî ra hesab bipersê, sere de ê Ekîne armanc û xeyalanê pêro şehîdanê ma bîyarê ca.

Nasnameyê embaze Ekîne wina yo:

Nameyê Qodî: Ekîne Wan Name û Peyname: Ekîne Arslan Cayê Bîyayîşî: Anqara Maye-Pî: Muge-Goksel Tarîx û Cayê Şehadetî: 15ê Gulana 2022yî / Zap

Embaze Ekîne wexto ke Zanîngehê Hacettepeyî de wendêne wendekaranê welatperweran şinasnena û cewabê cigêrayîşanê xo mîyanê PKKyî de vînena. O çax a mîyanê xebatanê ciwanan de ca gêna û wextê têkoşînê vera DAÎŞî de tewra gerîlayan  bena. Embaze Denîze rayîrê Denîz, Mahîr, Îbrahîm Kaypakkaya, Hakî Karer û Kemal Pîran ra şina.

Embaze Ekîne  mîyanê xebatanê çapemenîya RAJÎN û YJA-Starî de ca gêna, dibistana sabotajî ya Şehîde Sarya de perwerde gêna û bena mîsalêka bêhempa. Embaze Ekîne verê zehmetîyan de qet nêvindena û kena ke bi kurdkî qisey bikera. Embaze Ekîne tim wazena karanê pratîkan bîyara ca, meseleyanê şerî ser o vindera. A tim bala xo dana cigêrayîşê azadîya cinîyan ê Rayberîye û krîteranê Îdeolojîya Azadîya Cinîyan xo de mojnena.

Embaze Ekîne her ke têkoşînê azadîya Kurdîstanî de bîya yew hîna bîya rinde û mana girewte. A sey cinîyêka tirke mîyanê têkoşînê azadîye de bi sereberzî û rûmetî şîye.

PKK û PAJK bi dîyalektîkê şehîdan payan ser de vindenê û ruhê xoverdayîşî yê şaran gandar verdenê. Têkoşînê gerîlayan her cayê dinya de beo hêzo tewr gandar. Gerîlatîya cinîyan ewro Zap, Metîna û Avaşîn de têkoşînê xo bi şehîdanê ma yê YJA-Starî Mizgîn Ronahî, Viyan Botan, Şaristan, Eylem  û Ekîne Wan hîna bêhempa kena. Ma pê bawer ê ke têkoşînê şehîdanê xo Kurdîstan, Tirkîya û pêro herêman de bi serfîrazîye tacîdar bikerê. Heta ke şarî wayîrê ewlada wina çêr û cesure bibê dewaya sosyalîzm û azadîye do qetî ser bikewa!''