Merkezê Îrtîbatî û Çapemenîye yê HPGyî nasnameyê hîrê şehîdanê Zapî bi eşkerayîyêke eşkera kerdî. Eşkerayîye wina ya:

''Fermandaranê pîlan ê artêşa cinîyan ra Endama Fermandarîya Eyaletê Zapî Melsa Mûş û embazê ma Govende û Nûda 2021 de Herêmanê Pawitişî yê Medya de hêrişê dişmenî de şehîd bîyî. Nê embazê ma bîyî fermandarê serkêşî yê dewaya ma ya azadîye, milîtanê fedayî yê PAJKî û temsîlkarê raştikênî yê têgêrayîşê cinîyan. Ma şexsê înan de pêro embazanê xo yê şehîdan bi minet û rêzdarî yad kenê. Embaze Melsa, Govende û Nûda destpêkê ra heta peynî pê pêro enerjîya xo û bi eşq û xîretî seba azadîya cinîyan ganê xo na werte. Seba nê armancî zî binê şertanê tewr giranan de zî xo pê îdeolojîya Apogîre rêxistin kerd. Ê mewzî ra bi mewzî bêteredut şîyî. Înan seba ke stratejîya Şerê Şarî yê Şorişgêrî bi hawayêkê raştî pratîze biba Zap de serkêşîye kerde, kedêka bêhempa daye û gerîlatîya serkewtişî pratîze kerde. Embaze Melsa, Govende û Nûda Melsa, Govende û Nûda bîyê serkêşê fedayî yê sembolê artêşbîyayîşê cinîyan ê Zapî. Ma înan serrgêra şehadetê înan de bi rêzdarî yad kenê. Ma soz danê ke do azadîya cinîyan bîyarê ca, sîstemê serdestîya camêrdan a îqtîdarpereste û faşîste ra û hişmendîya netewe-dewlete ra qesas bigêrê û xeyalê înan bîyarê ca.

Nasnameyê embazanê ma yê şehîdan wina yê:

Nameyê Qodî: Melsa Mûş Name û Peyname: Dîleke Ozer Cayê Bîyayîşî: Mûş Maye-Pî: Melîke – Rahmî Tarîx û Cayê Şehadetî: 2021 / Herêmê Pawitişî yê Medya

Nameyê Qodî: Govende Zagros Name û Peyname: Gulluşahe Polat Cayê Bîyayîşî: Sêrt Maye-Pî: Fatma – Necat Tarîx û Cayê Şehadetî: 2021 / Herêmê Pawitişî yê Medya

Nameyê Qodî: Nûda Wan Goyî Name û Peyname: Razane Yildirim Cayê Bîyayîşî: Wan Maye-Pî: Hîkmet – Alî Tarîx û Cayê Şehadetî: 2021 / Herêmê Pawitişî yê Medya

Embaze Melsa Mûşê Serhedî de dadîya xo ra bena. A domanîya xo de PKKyî şinasnena û 1999 de vera Komployê Mîyanneteweyî tewra gerîlayan bena. Embaze Melsa wextêkê kilmî de adapteya cuya gerîlatîye bena. Embaze Melsa bi ruh û hişmendîya xo îdeolojîya azadîya cinîyan ser o xebitîyena. A wextêkê kilmî de bena fermandare. A verî Botan de, dima hema hema her cayê Kurdîstanî de têkoşîn kena. A mîyanê Hêzanê Taybetan de zî cagêna. Embaze Melsa wextê prosesê çareserîye de zî erkanê girîngan ana ca. Embaze Melsa esasanê Gerîlatîya Modernîteya Demokratîke ser de xo rêxistin kena. Embaze Melsa artêşbîyayîşê cinîyan de zî erkanê pîlan gêna xo milî. A 2020 de verê xo dana Zagrosan û wezîfeyê Endama Fermandarîya Eyaletê Zapî zî gêna xo ser. Embaze Melsa 2021 de wexto ke wezîfeyê xo yê Ertûşî ra agêrena pa embaze Govende û Nûda şehîd bena. Embaze Melsa bi têkoşînê xo do tim rayîrê ma roşnî bikera.

Embaze Govende Sêrt de dadîya xo ra bena. Embaze Govende verî xebatanê ciwanan de cagêna û 2014 de bi qerardarî verê xo dana koyan û bena gerîla. Embaze Govende Zagrosan de cade bena gerîlayêka YJA-Starî ya marîfetîne. A 2016 de tewra Hêzanê Taybetan bena. 2018 de a reyna verê xo dana Zagrosan û Zap de wezîfe kena. Embaze Govende têkoşînê Koyê Reşî ra dima derbazê Ertûşî bena û tîya de zî têkoşînêkê xurtî kena. Embaze Govende 2020 de û 2021 de cepheyanê şerî de tewr vernî de cagêna û Şerê Şarî yê Şorişgêrî berz kena. Embaze Govende bena kadroyanê serkêşan ê YJA-starî ra yewe.

Embaze Nûda Wan Goyî Şirnex de dadîya xo ra bena. Embaze Nûda 2015 de wextê şerêkê giranî de verê xo dana koyan û bena gerîla. Embaze Nûda 2015 de hêverî Şingal de vera DAÎŞî şer kena. Dima a çekanê giranan ser o perwerde vînena û bena milîtanêka serkewte. Embaze Nûda 2019 de bi waştişê xo û wextê çetinî de herêma Zapî de wezîfe kena. A sey fermandarêka YJA-Starî tim tecrubeyanê xo embazanê xo de vila kena û hertim kena ke qesasê şehîdan bigêra. Embaze Nûda pê kesayetê xo û pê hêrsê xo yê vera dişmenî tewr vernîya şerî de cagêna û bena şehîde.

Ma do bi caardişê erkanê şorişgêrîye bibê layîqê têkoşînê embaze Melsa, Govende û Nûda. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''