HPGyî nasnameyê hîrê şehîdan eşkera kerdî
HPGyî nasnameyê hîrê şehîdanê Zapî eşkera kerdî û vat: ''Embazê ma bi israrê xo yê xeta fedayîtî ya Apogîre, cehd û îradeyê xo bîyî milîtanê Apogîrî yê nimûneyî.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê hîrê şehîdanê Zapî eşkera kerdî. Eşkerayîye wina ya:
''Embazê ma Zarîne, Dilgeş û Sîdar hêrişanê artêşa tirke ya îşxalkere yê vera Herêma Şehîd Delîlî ya Rojawanê Zapî de tarîxanê cîyayan de şehîd bîyî. Embazanê ma oxirê cuya fedayîtîye de mîyanê tarîxê azadîye yê şarê ma de cayê xo girewt.
Embazê ma Zarîne, Dilgeş û Sîdar bi israrê xo yê xeta fedayîtî ya Apogîre, cehd û îradeyê xo bîyî milîtanê Apogîrî yê nimûneyî. Ma sere de keyeyanê înan ê ercîyayeyan rê pêro şarê ma yê kurd û erebî yê welatperwerî rê serweşîye wazenê. Ma soz danê ke ala têkoşînî ya şehîdan bi serfîrazîye berz bikerê û bibê layîqê vîrameyîşanê înan.
Nasnameyê embazanê ma yê şehîdan wina yê:
|
|
Nameyê Qodî: Zarîne Aram Name û Peyname: Delale Xezal Akil Cayê Bîyayîşî: Şirnex Maye-Pî: Zeynepe – Îdrîs Tarîx û Cayê Şehadetî: 3yê Gulana 2024î / Zap |
|
|
Nameyê Qodî: Dilgeş Ednan Name û Peyname: Hemze Muhammed Saqîr Cayê Bîyayîşî: Dêrezor Maye-Pî: Sara – Muhammed Tarîx û Cayê Şehadetî: 25ê Hezîrana 2024î / Zap |
|
|
Nameyê Qodî: Sîdar Serhed Name û Peyname: Metîn Dagci Cayê Bîyayîşî: Agirî Maye-Pî: Aynure – Ahmet Tarîx û Cayê Şehadetî: 4ê Temmuza 2024î / Zap |
Embaza ma Zarîne Cizîra Botanî de dadîya xo ra bena. A wextê xoverdayîşê xoîdarekerdişî de 2015 de tewra xebatan bena û şehadetê birazîyê xo Aram- Agît Akilî ra dima nameyê ey gêna. A 2016 de Besta de tewra gerîlayan bena. Embaze Zarîne dima derbazê Herêmanê Pawitişî yê Medya bena. A mîyanê xebatanê Hêzanê Taybetan de zî cagêna. Embaze Zarîne Herêma Şehîd Delîlî ya Rojawanê Zapî de derbanê giranan dana dişmenî ro. A tim nasnameyê cinîya azade mîyanê refanê YJA-Starî de dana pawitene û bena şehîde.
Embazê ma Dilgeş Dêra Zorê de mîyanê keyeyêkê erebî de dadîya xo ra beno. O barbarîya DAÎŞî ra dima hêzanê Rojawanî teqîb keno û dima zî verê xo dano koyan. Embaz Dilgeş cade cuya gerîlayan rê adapte beno û bi aktîfî mîyanê têkoşînî de cagêno. O sey ewladêkê şarê erebî yê qehremanî bi xurt xo ver dano û şehîd beno.
Embaz Sîdar Bazîd de dadîya xo ra beno. Embaz Sîdar rojbîyayîşê Rayberîya ma 4ê nîsane de Gilîdaxî ra tewrê gerîlayan beno. O wextêkê kilmî de beno gerîlayêko serkewte û vera artêşa îşxalkere pratîkêkê xurtî mojneno. Embaz Sîdar Herêma Şehîd Delîlî ya Rojawanê Zapî de tewrê çalakîyanê serkewteyan beno û derbanê giranan dano dişmenî ro.''
