Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

''Kedkara çapemenîya azade û milîtana şarê ma ya serkêşe embaze Rosîda Mêrdîn û aye reyde embazê ma Mazlûm û Berxwedan 17ê adara 2024î de şehîd bîyî.

Nasnameyê embazanê ma yê şehîdan wina yê:

Embaze Rosîda qezaya Qoserî ya Mêrdînî de dadîya xo ra bena. A wextê zanîngehî de Azadîya Welat de xebitîyena û tewra têkoşînê çapemenîya azade bena. A hetê dewleta faşîste ra tepişîyena û cezaya zîndanî ya 137 serran dîyena ci. Naye ser o embaze Rosîda Zanîngehê Anqara ra verê xo dana koyan û bena gerîla. A mîyanê gerîlayan de zî xebatanê çapemenîye ana ca û kedêka pîle da. Embaze Rosîda hem bena fermandarêka jîhate hem zî bena rojnamegerêka xoverdayoxe. A sey fermandara YJ-Starî Zap de wezîfe kena. A heta şehadetê xo zî qelema xo destî ra nêverdana û bena milîtanêka serkêşe.

Embaz Mazlûm Efrîn de dadîya xo ra beno. O hêverî tewrê Şorişê Rojawanî beno, vera cergan şer keno û Efrîn û Serêkanîyê de vera îşxalî xo ver dano. Dima o verê xo dano koyan. Embaz Mazlûm koyan de zî têkoşînêkê xurtî keno û tim xoverdayîşê xo aver beno. Embaz Mazlûm bi kesayet û taybetmendîyanê xo pêro embazanê xo rê zî beno çimeyê moral û motîvasyonî.

Embaz Berxwedan Qamişlo de dadîya xo ra beno. O hêverî xebatanê ciwanan ê Şorişê Rojawanî de cagêno û vera cerganê DAÎŞî çalakîyanê girîngan de cagêno. O dima verê xo dano koyan û armanc keno ke têkoşînê xo pîlêr bikero. Embaz Berxwedan hem tunelanê şerî de hem zî mîyanê tîmanê hereketînan de bi xurtî vera dişmenî şer keno. O tim xo aver beno û beno milîtanêko serkewte.''