Merkezê Îrtîbatî û Çapemenîye yê HPGyî bi eşkerayîyêke nasnameyê hîrê şehîdanê Metîna eşkera kerdî. Eşkerayîye wina ya:

''27ê tebaxa 2021î de herêma Girê Hekarî ya Metîna de hêrişê artêşa tirke ya îşxalkere de milîtanê apogîrî yê ercîyayeyî embazê ma Çekdar Xelîla, Botan Sêgirkê û Ozgur Tolhildan şehîd bîyî. Embazanê ma Çekdar, Botan û Ozgurî emrê xo na dewaya azadîya şarê ma û bê teredutî şer kerd. Serrgêra şehadetanê nînan de ma hîrê embazanê xo zî bi rêz, heskerdiş û minetî yad kenê.

Sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Çekdar Xelîla Name û Peyname: Omer Salgur Cayê Bîyayîşî: Wan Maye-Pî: Xezale – Huseyin Tarîx û Cayê Şehadetî: 27ê Tebaxa 2021î / Metîna

 

Nameyê Qodî: Botan Sêgirkê Name û Peyname: Sadık Guvercin Cayê Bîyayîşî: Şirnex Maye-Pî: Mercane – Emin Tarîx û Cayê Şehadetî: 27ê Tebaxa 2021î / Metîna

 

Nameyê Qodî: Ozgur Tolhildan Name û Peyname: Ahmed Muhammed Cayê Bîyayîşî: Nisêbîn Maye-Pî: Hezina – Abdurrahim Tarîx û Cayê Şehadetî: 27ê Tebaxa 2021î / Metîna

Embazê ma Çekdar Wan de dadîya xo ra beno. O hêverî tewrê xebatanê ciwanan beno û 2014 de verê xo dano koyan. O cade adapteyê cuya koyan beno. Embaz Çekdar xeylêk waranê Herêmanê Pawitişî yê Medya de erk keno, xo aver beno. Embaz Çekdar Metîna de serkêşîya serkewtişanê girîngan keno. O Girê Hekarî de bi fedakarî têgêreno, bi xurtî cewab dano hêrişanê dişmenî û tewrê karwanê şehîdan beno.

 

Embazê ma Botan herêma Botanî de dadîya xo ra beno. O tim beno şahîdê xoverdayîşê gerîlayan û bi tesîrê ney 2013 de verê xo dano koyan. O wextêk Vakurê Kurdîstanî de gerîlatîye keno, dima derbazê Herêmanê Pawitişî yê Medya beno. Embaz Botan her warê şerî de têkoşînêkê zixmî keno û kedêka girînge dano viraştişê tunelanê şerî.  O bi taybetmendîyanê xo yê sade, fedakar û kedkarî tim do bêro vîran.

 

Embazê ma Ozgur Nisêbînê Mêrdînî de dadîya xo ra beno la Girkê Legê yê Rojawanê Kurdîstanî de beno pîl. Embaz Ozgur hêrişanê îşxalî yê vera Girkê Legê ra dima bi hîsê qesasî verê xo dano koyan. Embaz Ozgur wextêkê kilmî de beno milîtanêko marîfetîn û xo aver beno. O tim embazanê xo fikirîyeno, goreyê ney têgêreno û xoverdayîşêkê fedakarî ano ca. Embaz Ozgur mojneno ke embazîya tewr xurte mîyanê PKKyî de ya.''