HPGyî nasnameyê hîrê şehîdanê Gare eşkera kerdî

HPGyî nasnameyê hîrê gerîlayan ê ke 12ê temmuse de hêrişê hewayî yê Dewleta Tirka îşxalkere de Gare de şehîd bîyî bi beyanatêkî eşkera kerdî û înan yad kerdî.

Beyanatê Merkezê Îrtîbatî û Çapemenîye yê HPGyî wina yo:

"12ê temmuza 2019î de hêrişê Artêşa TCyî ya îşxalkere de herêma Gare ya Herêmanê Pawitişî yê Medya de 3 embazê ma şehîd bîyî. Zanayîşê derheqê embazanê ma yê ke şehîd bîyî de wina yê:

Nameyê Qodî: Hebûn Farqîn

Name û Peyname: Hekîm Tayar

Cayê Bîyayîşî: Amed

Maye-Pî: Munevvere-Reşat

Tarîx û Cayê Şehadetî: 12ê Temmuza 2019î / Gare

 

Nameyê Qodî: Nazlicane Cûdî

Name û Peyname: Leyla Çaki

Cayê Bîyayîşî: Wan

Maye-Pî: Feleke-Yûsûf

Tarîx û Cayê Şehadetî: 12êTemmuza 2019î/ Gare

 

Nameyê Qodî: Rocenge Cûdî

Name û Peyname: Rocenge Haci Kerho

Cayê Bîyayîşî: Kobanê

Maye-Pî: Kevsere-Fethî

Tarîx û Cayê Şehadetî: 12ê Temmuza 2019î / Gare

Embazê ma Hebûn, Nazlicane, Rocenge yê ke şaristananê cîyayan ê Kurdîstanî ra yê bi ruhêkê xoverdayox û welatperwerî ameyî dinya. Bi şîara 'Rayberê Azad û Kurdîstanê Azad' tebgêrayê, kewtê rayîr û tewrê gerîlayan bîyî. Her hîrê embazê ma zî oxirê cuyêka azade û birûmete ya şarê xo vera faşîstan û îşxalkeran tewrê têkoşînê bîyî û şehîd kewtî. Sere de keyeyanê embazanê ma yê ercayeyan rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê azadîye yê kurdan ser bivisnê. Ma şehîdanê xo reyna bi rêzdarî yad kenê."