HPGyî nasnameyê şehîdanê Besta eşkera kerdî

ANF
BEHDÎNAN
05/02/2023, 10:19

Merkezê Îrtîbatî û Çapemenîye yê HPGyî nasnameyê panc gerîlayan ke şehîd bîyî eşkera kerdî û nê vatî:

''Dewleta tirke ya îşxalkere 21ê çeleyî de herêma Besta de pê paştdayîşê kontrayan operasyonêk da destpêkerdene. Hêzanê ma yê YJA Starî yê serkêşan seba ke derbe bidê hêrişê dişmenî ro, şîyî dişmenî ser, îşxalkerî û kontrayî girewtî binê kontrolî û roja 22ê çeleyî de verî kontra Nimet Encu hedef girewt û bi taktîkê suîkastî da piro. Dişmenê tersûnêkî herêma ke embazê ma tede bî da bombayanê giranan ver. Bobmardumanê ke bi saetan kerd derg de di hemrayê ma şehîd bîyî. Hêzanê ma narey pê taktîkê sabotajî da dişmenî ro, di îşxalkerî ameyî cezakerdene û îşxalkerêko payeberz birîndar bi. Çar hemrayê me 22-23ê çeleyî de vera îşxalkeran û kontrayanê xayînan û heme teknîkê înan bi hewayêkê qehremankî şerd kerd, pê îmkananê xo yê kêman têkoşîno destankî da û seba ke weş destê dişmenî mekewê bi hewayêkê fedaîyî tewrê kerwanê şehîdan bîyî.

Hêzanê ma yê YJA Starî yê serkêş û fedaîyan pê têkoşînê xo yê destankî tarîxê xoverdayîşî de cayê xo girewt. Hemrayanê ma ke şertanê zehmetan ê zimistanî de Besta de fermandarîya fermandara serkêşe hemra Rojbîne de têkoşîno destankî da ma nasnameyê înan eşkera kenê. Nasnameyê hemraya ma ya bîne hema safî nêbîyo, ma do peyra eşkera bikerê. Ma soz danê ke ma do xeyalanê hemrayanê xo yê şehîdan bîyarê ca û sere de keyeyanê welatperweran ê hemrayanê xo yê şehîdan rê û heme şarê Kurdîstanî rê serweşîye wazenê.''

Nasnameyê embazanê ma yê şehîdan wîna yê;

Nameyê Qodî: Rojbîne Dêrsîm
Name û peyname: Raife Kutlak
Cayê bîyayîşî: Colemêrg
Maye-Pî: Meryeme – Huseyin
Tarîx û cayî şehadetî: 22ê Çeleyê 2023yî / Besta

Nameyê Qodî: Delîla Goyî
Name û peyname: Evîne Encu
Cayê bîyayîşî: Şirnex
Maye-Pî: Naime – Hamit
Tarîx û cayî şehadetî: 22ê Çeleyê 2023yî / Besta

Nameyê Qodî: Sila Faraşîn
Name û peyname: Hamdiye Tekbudak
Cayê bîyayîşî: Wan
Maye-Pî: Taybet – Selahattin
Tarîx û cayî şehadetî: 23ê Çeleyê 2023yî / Besta