Merkezê Îrtîbatî û Çapemenîye yê HPGyî 4 nasnameyê gerîlayanê ke 30ê kanûne de Metîna de şehîd bîyî eşkera kerdî.

Eşkerayîya HPGyî wina ya:

''30ê kanûna 2020î de artêşa tirke ya îşxalkere warê Kêste yê herêma Metîna da bombayan ver. Nê bombardumanî de embazê ma Rênas Taylan, Serbest Kirmanşah, Zagros Şengal û Rênas Andok şehîd bîyî. Nasnameyê embazanê ma yê şehîdan wina yê:

Nameyê Qodî: Rênas Taylan Name û Peyname: Seyîthan Çetal Cayê Bîyayîşî: Adana Maye-Pî: Şirinaze – Xalis Tarîx û Cayê Şehadetî: 30ê Kanûna 2020î/Metîna

Nameyê Qodî: Serbest Kirmanşah Name û Peyname: Kamuran Necefi Cayê Bîyayîşî: Kirmanşah Maye-Pî: Firsate – Nasir Tarîx û Cayê Şehadetî: 30ê Kanûna 2020î/Metîna

Nameyê Qodî: Zagros Şengal Name û Peyname: Beşar ûbeyt Cayê Bîyayîşî: Mûsil Maye-Pî: Tirfa-Ûbeyt Tarîx û Cayê Şehadetî: 30ê Kanûna 2020î/Metîna

Nameyê Qodî: Rênas Andok Name û Peyname: Savaş Bingol Cayê Bîyayîşî: Mûş Maye-Pî: Songule – Sabahattin Tarîx û Cayê Şehadetî: 30ê Kanûna 2020î/Metîna

Embazê ma Rênas (Seyîthan Çetal), Serbest (Kamûran Necefî), Zagros (Beşar Ubeyt) û Rênas (Savaş Bingol) rixmê polîtîkaya şerê taybetî ya dişmenî perwerê kulturê welatê xo bîyî û verê xo da koyanê Kurdîstanî, tewrê Têkoşînê Azadîye yê Kurdîstanî bîyî. Çar embazanê ma zî felsefeya Rayber Apoyî xo rê kerd esasê cuye û ganê xo dewaya Kurdîstanî rê feda kerdî.

Embazanê ma roja yewîne ra heta roja peyêne seba ke nasnameyê xo yê raştikênî bivisnê destî xîret kerd. Embazanê ma koyanê bêhempayan ê Kurdîstanî de meşaleya azadî, edalet û demokrasî ya şaran bi hawayêkê serkewteyî berz kerde.

Dewleta tirke ya faşîste seba ke xeyalanê Osmanijan bîyara ca vera şaran hêrişanê barbaran kena. Rejîmê tirkan o ke şerê paramîlîterî kena, sûcanê merdimîye ana ca, nêeşkena şer îdare bikera êdî êdî qels bena. Serra 2020 de beno ke hêrişê hewayî yê tewr zafî ameyî kerdene la artêşa îşxalkere reyna zî nêeşkaye vera gerîlayan ser bikewa.

Embazê ma Rênas, Serbest, Zagros û Rênas Andokî pê têkoşînê Apogîrî bi hawayêkê serkewteyî bîyî û tewrê karwanê şehîdan bîyî. Sere de keyeyanê ercîyayeyan ê embazanê ma rê ma pêro şarê welatperwerî yê Kurdîstanî rê serweşîye wazenê. Ma sozo ke dabi şehîdanê xo dibare kenê.''