Merkezê Îrtîbatî û Çapemenîye yê HPGyî nasnameyê şehîdêka Metîna eşkera kerd.

Eşkerayîye wina ya:

''Embaza ma Çîmeke 28ê hezîrane de herêma Metîna de netîceya hêrişê dişmenî de şehîd bîye.

Embaza ma Çîçeke sey milîtanêka YJA-Starî ya nimûne bi tewirê xo yê cinîya azade û bi cesaretê xo yê şerî tarîxê têkoşînî de cagirewt. Aye xeylêk cayanê Metîna de xebatan de cagirewt. 

Ma sere de keyeyê embaze Çîçeke yê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke ala têkoşînî ya şehîdanê xo biresnê serfîrazîye.

Nasnameyê embaza ma ya şehîde wina yo:

Embaza ma Çîçeke qezaya Licê ya Amedî de dadîya xo ra bena. A hema domanîya xo de gerîlayan şinasnena û heyrana nînan bena. A dima tewra xebatanê ciwanan bena. Xoverdayîşê Kobanê û Xoverdayîşê Xoîdarekerdişî ra dima embaza ma Çîçeke 2015 de bi qerardarî verê xo dana koyan. 

A wextêk Vakurê Kurdîstanî de manena û dima zî derbazê Herêmanê Pawitişî yê Medya bena. Embaza ma Çîçeke perwerdeyan de serkewte bena û bena mazharê heskerdiş û hûrmetê pêro embazanê xo. Embaze Çîçeke pratîkêkê xorinî ra dima perwerdeyê pisporîye gêna. A derbanê giranan dana dişmenî ro û sey gerîlayêka YJA-Starî têkoşînêkê xurtî kena. 

Embaza ma Çîçeke 28ê hezîrana 2024î de Metîna de hêrişê dişmenî de şehîda bena. A peyê xo de mîrasêkê girdî verdena. Ma soz danê ke nê mîrasê aye yê têkoşînî bi serfîrazîye tacîdar bikerê.''