Merkezê Îrtîbatî û Çapemenîye yê HPGyî nasnameyê şehîdêkê Garê eşkera kerd. Eşkerayîye wina ya:

''Embaz Botan wexto ke Garê de wezîfeyê xo ser de bi 18ê teşrîna peyêne ya 2021î de netîceya hêrişê hewayî yê dewleta tirke ya kolonyalîste de şehîd  bi. Ame famkerdene ke no hêriş namerd netîceya kerdişê ajan û îxbarî de ameyo kerdene. Embaz Botan milîtanêko rayber o Apogîr o ke xeylêk waranê Têkoşînê Azadîya Kurdîstanî de bi fedakarî kede daye, xebatî kerdî. La seke medyaya şerê taybetî ya tirkan vera vano embaz Botan mesuldarê karanê teberî yê partîya ma nêbi.

Nasnameyê embaz Botanî wina yo:

Nameyê Qodî: Botan Malazgîrt Name û Peyname: Lêhat Goren Cayê Bîyayîşî: Mûş Maye-Pî: Suheyla – Salîh Tarîx û Cayê Şehadetî: 18ê Teşrîna Peyêne ya 2021î / Garê

Embaz Botan şaristanê xoverdayoxê Serhedî Melezgîrt de keyeyêkê wayîrkedî de dadîya xo ra bîyo. Embaz Botanî mîyanê keyeyî de PKK şinasna û tira hes kerd. Embaz Botan pê tesîrê şehadetê merdimanê xo tewrê xebatan bi. Dima zî ey seba têkoşînê çekdarî verê xo da koyanê azadan ê Kurdîstanî.

Embaz Botan wextêk Zap û Heftanîn de krîteranê gerîlatîye musa û nê krîterî pratîze kerdî. Ey tim xîret kerd ke bibo layîqê şehîdan. Embaz Botanî 2015 de vera hêrişanê DAÎŞî Rojawan de şer kerd. Rixmo ke wextê nê şerî de çend reyî birîndar zî bi têkoşînî rê dewam kerd û apey gamêke nêeşte. Eqsê ci hêrsê ci yê vera dişmenî zêdîya. Embaz Botan cigêrayîşan ra pey bii wezîfeyê fermandarîye têgêra û bi rayberêkê Gerîlatîya Modernîteya Demokratîke. Embaz Botan pê kesayetê xo yê fedakar, sade û fermandarîya xo tim embazanê xo rê bi mîsal. Ey heta şehadetî pê mesuldarî û hişmendî beşdarîyêke mojnaye.

Embaz Botanî her hela xo pê têkoşînî derbaz kerd, Têkoşînê Azadîya Kurdîstanî de bi wayîrê kedêka girînge, wezîfeyê xo yê welatperwerîye ardî ca. Ma sere de keyeyê ci yê ercîyayeyî rê, pêro şarê welatperwerî yê Kurdîstanî rê serweşîye wazenê. Ma soz danê ke fermanê şehîdan xo serfîrazîye qetî do bîyarê ca.''