Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:

‘’4ê adara 2025î de ma dabi eşnawitene ke 26ê sibata 2025î de, herêma Garê de hêrişê dişmenî de embazê ma Delîl şehîd bîyo. Embazê ma Delîl Hewramano ke bi kulturê welatperwerî û ruhê azadîye yê Rojhelatê Kurdîstanî tewrê refanê têkoşînî bîyo, ma ey bi minet û rêzî yad kenê û şexsê ey de soz danê pêro şehîdan ke ser bikewê.

Embazê ma yo ke milîtanêko Apogîr o nimûne bi, seba pêro ciwananê kurdan bi pusulaya têkoşînî. Ma sere de keyeyê ci yê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke tim do bibê perwerê vîrameyîşanê şehîdanê ma yê fîrazan.

Nasnameyê embazê ma Delîlî wina yo:

Embazê ma Delîl Hewreman de dadîya xo ra beno. O hema domanîya xo de têgêrayîşê azadîye şinasneno. O wextêk tepişîyeno û zîndananê Îranî de maneno. Dima o tewrê têkoşînê azadîye beno. 2018 de o beno gerîla û Herêmanê Pawitişî yê Medya de perwerde vîneno. O wextêkê kilmî de beno gerîlayêko marîfetîn. O Garê de zî xeylê xebatan keno û heta şehadetê xo xo ver dano. Embazê ma peyê xo de mîrasêkê têkoşînî yo bêmerg verdeno.’’