HPGyî nasnameyê şehîdêkî eşkera kerd
HPGyî da zanayene ke gerîla Mazlum Yekta nêweşîye ra şehîd bîyo û vat: ‘’Perwerîya embaz Mazlûmî ya seba cuya azade do seba ma pêroyînan biba pusulaya cuye.’’
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:
‘’Embazê ma Mazlûm Yekta nêweşîyêke ra Herêmanê Pawitişî yê Medya de tedawî bîyêne. Embazê ma 15ê sibate de ancî bi nêweşî kewt û rixmê pêro mudaxeleyan zî şehîd bi.
Perwerîya embaz Mazlûmî ya seba cuya azade do seba ma pêroyînan biba pusulaya cuye. Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke vîrameyîşanê şehîdanê xo do Kurdîstanê Azadî de bidê ciwîyayene.
Nasnameyê embazê ma Mazlûmî wina yo:
|
|
Nameyê Qodî: Mazlum Yekta Name û Peyname: Mihemed Şêx Hemedî Cayê Bîyayîşî: Efrîn Maye-Pî: Sîheme – Hamîd Tarîx û Cayê Şehadetî: 15ê Sibata 2025î / Herêmê Pawitişî yê Medya |
Embazê ma Mazlûm qezaya Cindirêsî ya Efrînî de keyeyêkê welatperwerî de dadîya xo ra beno. O domanîya xo de gerîlayan şinasneno. Embaz Mazlûm îşxalê Efrînî ra dima 2019 de verê xo dano koyan û beno gerîla. Embazê ma bi coş û hewesî tewrê perwerdeyan beno û wextêkê kilmî de beno gerîlayêko marîfetîn. Embaz Mazlûm xeylê cayanê Herêmanê Pawitişî yê Medya de erk keno. Embazê ma 2021 de nêweş keweno û tedawî vîneno. O 2023 de tewrê Hêzanê Taybetan beno la 2024 de ancî nêweş keweno. Embazê ma rixmê nêweşîya xo zî xebatanê xo yê fedayîtîye rê dewam keno. 15ê sibate de nêweşîya ey bena giranêr û şehîd beno.’’
