Merkezê Îrtîbatî û Çapemenîye yê HPGyî bi eşkerayîyêke gerîla Partîzan Semsûr yad kerd.

Eşkerayîye wina ya:

''Ma eşkerayîya xo ya 16ê teşrîna peyêne ya 2020î de dabi eşnawitene ke 15ê teşrîna peyêne de wexto ke artêşa tirke ya îşxalkere dewa Nêrwe ra şîyêne hêzanê ma nêzdî ra da îşxalkeran ro û netîce de 3 îşxalkerî ameyî cezakerdene. Embazê ma Partîzano ke vera îşxalkeran bi hawayêkê fedayî û çêrî şer kerd tewrê karwanê bêmergan bi.

Zanayîşê derheqê nasnameyê embazê ma yê şehîdî de wina yê:

Nameyê Qodî: Partîzan Semsûr Name û Peyname: Ramazan Topaloglu Cayê Bîyayîşî: Semsûr Maye-Pî: Bedrîye-Ramazan Tarîx û Cayê Şehadetî: 15ê Teşrîna Peyêne ya 2020î / Zap

Embazê ma Partîzan xo bi îdeolojîya Rayber Apoyî xemilna, kesayetê Rayber Apoyî şexsê xo de gandar kerd. Embaz Partîzan erdê kokimanê xo Semsûrî ra tewrê gerîlayan bi û bi pratîkê xo bi çêrê raştikênî. Embazê ma pêro waran de wezîfe û mesuldarîyê xo ardî ca û waştişê têkoşînî ardî ca Xoverdayîşê şehîdê ma yê çêrî bi mîsalê metodê pêrodayîşê tûjî û kesayetê milîtanîya fedayî yê Rayber Apoyî. Ruhê xoverdayîşê fedayî yê embaz Partîzanî do her tim rayîrê serkewtişî bimojno û bibi çimeyê têkoşînê ma.

Sere de keyeyê ci yê ercîyaye rê ma pêro şarê Semsûrî û şarê Kurdîstanî yê welaperwerî rê serweşîye wazenê. Ma soz danê ke ma do bi waştişê têkoşînî yê şehîdanê ma yê çêran ver bi serkewtişî şorê.''