HPGyî ra bîlançoya çeleyî: 31 îşxalkerî ameyî cezakerdene

HPGyî bîlançoya aşma çeleyî eşkera kerde. Gorayê nê 120 çalakîyê gerîlayan ameyî kerdene,31 leşkerê tirkî yê îşxalkerî ameyî cezakerdene. Îşxalkeran 252 reyî bombayê qedexeyî û çekê kîmyewîyî şuxulnayî. 10 gerîlayî şehîd bîyî.

Merkezê Îrtîabatî û Çapemenîye yê HPGyî bîlançoya aşma çeleyî eşkera kerde. Eşkerayîye de nê ameyî parekerdene:

''Rixmê şertanê zehmetan ê zimistanî têkoşînê Gerîlayanê Azadîye yê Kurdîstanî aşma çeleyî de zî bêmabên dewam kerd. Hêzanê ma yê ke wextê şerê giranî de xo aver berd,  pîya bi  tîmanê profesyonelan ê gerîlayan, tunelanê şerî û mewzîyanê xo erazî zî zaf hole şuxulnaye û cayanê tewr bêîmkanan de derbeyê girdî dayî dişmenî ro. Hêzê ma yê ke bi terzê xo yê şerê neweyî û taktîkanê bitesîran ê gerîlayan nefes nêdanê îşxalkeran Zap, Avaşîn û Metîna de destanî nuştî têkoşînê şaranê bindestan de pelêko newe akerd.

Gerîlayê Azadîye yê Kurdîstanî ke Vakurê Kurdîstanî de pê performansê berzî yê gerîlatîye têkoşînê xo yê tarîxî domnenê bi hezaran operasyonê dewleta tirke betal kerdî. Şertanê zimistanî de zî derbeyî dayî dişmenî ro. Hêzê ma yê ke bi rîskê pîlî Botan de şîyê dişmenî ser reyna mojna ke do îşxalkeran û paştgêranê înan ra hesab bêro persayene. Ewladê qehremanî yê şarê ma yê ke semedê pawtişê rumetê şarê ma, caardişê xeyalanê ameyoxê azadî û pawitişê herra bimbareke ya Kurdîstanî bêteredut ganê xo da, xeta Egîd û Zîlanan de rayra şîyî, wezîfeyê xo yo tarîxî ard ca û beyraqa têkoşînî ma hemrayanê xo rê verdaye. Aşma çeleyî de 10 hemrayê ma şehîd bîyî. Ma soz danê ke ma do têkoşînî xurtêr bikerê û waştişê şehîdan bîyarê ca.

Mabênê tarîxanê 1ê çeleyî ra heta 31ê çeleyî bîlançoya şerî ya aşmêke wina ya:

Çalakîyê hêzanê ma

120 çalakîyê ke bi metodanê cîya cîyayan ameyî kerdene de 31 îşxalkerî ameyî cezakerdene û îşxalkerêk birîndar bi. Çalakîyan de di sîstemê kameraya mobese, çekêka bombaeştişî, xeymêka leşkerî, teleskopêk, dronêk û kepçeyêk ameyî îmhakerdene û konteynerêk ame derbkerdene.

Hêrişê artêşa tirke ya îşxalkere

 Sere de Mewzîyê Têkoşînî, Herêmanê Pawitişî yê Medya 134 reyî pê teyarayanê şerî, 38 reyî pê helîkopteranê hêrişî û bi seyan reyî  pê obus, havan, tanq û çekanê giranan dîyayî bombayan ver. Mewzîyê Têkoşînî yê hêzanê ma 252 reyî pê bombayanê qedexeyan û çekanê kîmyewîyan dîyayî bombayan ver.''