Merkezê Îrtîbatî û Çapemenîye yê HPGyî bîlançoya şerî ya temmuze eşkera kerde. Eşkerayîye wina ya:

''Peymana Lozanî ya ke raştîya kurdan û Kurdîstanî red kena, welatê ma parçe kerdo, qirkerdişê şarê ma dayo destpêkerdene û fermanê şarê ma yo, kewte serra 100. Na peymana ke hêzanê hegemonîkan û dewletanê neteweyîyan şarê ma rê ferz kerda, rayîrê hêriş û îşxalî akerd. Netîceya ney de şarê ma zaf şehîdî dayî, pê qirkerdişan verê heqanê ci ame girewtene û waştişê ci yê azadîye çin hesibîya. La şarê kurdî rixmê bedelanê giranan zî 100 serran tim vera na peymane seba estbîyayîşê xo, têkoşîn kerd. Partîya ma PKKyo ke 50 serrî yo serkêşîya nê têkoşînî keno, no fermanê mergî yê bi nameyê Peymana Lozanî dirna eşt.

Dewleta tirke ya qirkere û rejîmê ci yê faşîstî serrgêra na peymane de 24ê temmuza 2015î de konseptêkê qirkerdişî yo hîra vist dewre. Şarê kurdî û têgêrayîşê azadîye nê 8 serran de xoverdayîşêko bêeman kerd, têkoşînê destanwarîyî kerdî, bedelê giranî dayî la îsbat kerd ke estbîyayîşê ci nêno înkarkerdene û tasfîyekerdene.

Dewleta tirke hêrişê îşxalî bêmabên kerdî

La dewleta tirke ya qirkere û rejîmê ci yo taybet ê ke dişmenê kurdan ê sondwerde yê, înan reyna kerd ke pê hêrişanê îşxalî netîce bigêrê. Botan, Garzan, Dêrsim û Herêmanê Pawitişî yê Medya de hêriş û operasyonan bêmabên dewam kerd. Temmuze de Vakurê Kurdîstanî û Herêmanê Pawitişî yê Medya de bi destekê kurdanê hemkaran artêşa îşxalkere 17 operasyonî kerdî, 283 reyî pê teyarayanê şerî, 168 reyî pê helîkopteranê hêrişî, bi seyan reyî pê obus, tank û çekanê giranan herêmî dayî bombayan ver. Mewzîyê ma yê Waranê Xoverdayîşî 9 reyî pê teqaberanê qedexekerdeyan dîyayî bombayan ver, mewzîyê ma yê Warê Xoverdayîşî yê Sîda yê Zapî 4 reyî, mewzîyê Warê Xoverdayîşî yê Girê FMyî yê herêma Şehîd Delîlî 2 reyî bi temamî 6 reyî pê nuklere dîyayî bombayan ver.

130 çalakîyan de 70 îşxalkerî ameyî cezakerdene

Gerîlayanê azadîye yê Kurdîstanî vera hêrişanê dişmenî pawitişê kurdan û Kurdîstanî rê bêmabên dewam kerd. Hêzanê ma temmuze de 130 çalakîyî kerdî. Netîceya nê çalakîyan de 1ê ci payeberz 72 îşxalkerî ameyî cezakerdene, 16 îşxalkerî birîndar bîyî û xeylêk malzeme û wesayîtê leşkerîyî ameyî îmhakerdene.

7 gerîlayî şehîd bîyî

Gerîlayê azadîye yê Kurdîstanî bi ruhê fedayî yê Xoverdayîşê Rojeyê Mergî yê Pîlî yê 14ê Temmuze xeta şehîdan de têkoşîn kenê. Menga temmuze de bi heman ruhî, hişmendî û bawerî embazê ma Mîrza Bargiran (Mîrza Sezek), Bengîn Barman (Hero Karataş) û Rêdûr Sîser (Gûven Ozcan) Vakurê Kurdîstanî de; Viyan Mêrdîn (Leyla Elçîoglû), Zinar Serêçiya (Zinar Mihemed Ebdilxanî), Bawer Arîn (Mesut Demîrkiran) û Berxwedan Farqîn (Serdar Meçîn) Herêmanê Pawitişî yê Medya de şehîd bîyî. Xerzanî ra heta Metîna, Botanî ra heta Zapî embazanê ma bi qerardarî, ruhê fedayî û bawerî têkoşîn kerd û ê tewrê karwanê şehîdan bîyî. Tewirê înan o bêtawîz o ke heta nefesê xo yê peyênî şer kerd, tim ma rê bibo nimûnê û bibo sebebê servistişê armanc û serkewtişî.

Bîlançoya menga temmuze

Operasyonê dişmenî: 17

Hêrişê bi teyarayanê şerî: 283

Hêrişê bi helîkopteran: 168

Hêrişê bi teqaberanê qedexeyan: 9

Hêrişê bi bombayanê nukleran: 6

 

Embazê ma yê ke şehîd bîyê: 7

Embazê ma yê ke esîr kewtê: 

 

Çalakîyê gerîlayan: 130

Çalakîya sabotajî:

Çalakîya gerîla ya koordîneyî: 4

Çalakîya sûîkastî: 17

Çalakîya bi çekanê giranan: 53

Çalakîyanê pirodayîşî: 55

 

Hûmara îşxalkeranê ke ameyê cezakerdene: 72

Hûmara îşxalkeranê ke birîndar bîyê: 16

 

Malzeme û wesayîtê ke ameyê îmhakerdene:

Wesayîtê bi tîpê Amarokî: 1

Sîstemê radarî: 2

Sîstemê kamera yê mobese: 8

Çeka A4î: 1

Çeperî: 4

Çeperê obusan: 1

Panelê enerjîya tîje: 1

Dron: 1

Cîhazê Jammerî: 1

Bombaeştoxî: 2

Xeymî: 2

Cebilxane: 1

 

Êyê ke ameyê derbkerdene

Helîkopterê Skorskyî: 5

Çeperî: 5

Xeymî: 1''