Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî vat: ''Gerîlayê Azadîye yê Kurdîstanî Warê Xoverdayîşî yê Girê Cûdîyî de serkêşîya YJA Starî de bi çalakîyanê bitesîran derbanê giranan danê artêşa tirke ro û nêverdenê  îşxalkerî Warê Xoverdayîşî de xo ca bikerê. Artêşa tirke ya ke her roje Girê Cûdîyî de leşkerê ci mirenî, mergan nimnena û şarî xapînena. Çalakîyanê gerîlayan ê 48 saetanê peyênan de 17 îşxalkerî ameyî cezakerdene, xeymêke ameye îmhakerdene û kepçeyêk û panc mewzîyî ameyî derbkerdene. Nê çalakîyî semedê qesasê şehîd Robîne Avent û Yildize Şahîn Botan yê ke Girê Cûdîyî şehîd bîyî, ameyî kerdene.''

Detayê çalakîyan wina yê:

''Herêma Şehîd Delîlî ya Rojavanê Zapî;

31ê temmuze de  saetanê serê sibayî ra heta şanî Warê Xoverdayîşî yê Girê Cûdîyî de  gerîlayan têdima vera îşxalkeran çalakîyî kerdî. Nê çalakîyê ke serkeşîya YJA Starî de ameyî kerdene de 7 îşxalkerî ameyî cezakerdene, 2 mewzîyî ameye derbkerdene.  1ê tebaxe de Warê Xoverdayîşî yê Girê Cûdîyî de îşxalkerî reyna ameyî pirodayene. Çalakîyanê cîya cîyayan de 5 îşxalkerî ame cezakerdene, xeymêke ameye îmhakerdene  4 mewzîyî ameyî derbkerdene.

Herêma Zapî;

1ê tebaxe de Warê Xoverdayîşî yê Sîda de kepçeyê ke kerdêne mewzîyanê xoverdayîşî birojno, pê çekanê giranan ame pirodayene. Kepçe ame derbkerdene û vindarnayene.

Hêrişê artêşa tirke;

30ê temmuze de Girê Şehîd Heqî yê Xakurkê, 1ê tebezxe de Gelîyê Avaşînî yê Avaşînî, Warê Xoverdayîşî yê Girê Baharî yê Zapî,  warê Gundê Dergelê yê Metîna pê teyarayan şerî û topan dîyayî bombayan ver.''