Merkezê Îrtîbatî û Çapemenîye yê HPGyî beyanatê xo yê 5ê teşrîna peyêne rast kerd. HPGyî vat: "Embazê ma Mervan Reşo (Enver Çîftçî) yo ke ma sey şehîd dabi zanayene şehîd nêkewt, embazê ma Mervan (Muhacîr Yilmaz) şehîd kewt."

Beyanatê HPGyî wina yo:

"Ma beyanatê xo yê 5ê teşrîna peyêne de beyan kerdîbî ke 27ê gulana 2019î de Artêşa TCyî ya îşxalkere vera Herêma Xakurke ya Herêma Pawitişî yê Medya dest pê operasyonêk kerd û 28ê gulane de 6 embazê ma şehîd bîyî. Embazê ma Mervan Reşo (Enver Çîftçî) yo ke ma sey şehîd dabi zanayene şehîd nêkewt, embazê ma Mervan (Muhacîr Yilmaz) şehîd kewt. Zanayîşê derheqê nasnameyê şehîd Mervan (Muhacîr Yilmaz) de wina yê:

Nameyê Qodî: Mervan Gare Name û Peyname: Muhacir Yılmaz Cayê Bîyayîşî: Ûrmîye Maye-Pî: Rahîme – Feyzullah Tarîx û Cayê Şehadetî: 28ê Gulana 2019î / Xakurke

Embazê ma Mervan Şaristanê Ûrmîye yê Rojhelatê Kurdîstanî de ame dinya û seba ke vera asîmîlekerdişê kurdan vindero serra 2014î de tewrê gerîlayan bi. Embaz Mervan pêro wezîfe û pirsîyarîyê partîya xo bi hawayêkê serkewteyî ardî ca. Embaz Mervanî vera zîhnîyeto ke xîret keno erdê Kurdîstanî îşxal biko Xakurke de bi hawayêkê çêrî şer kerd û tewrê karwanê şehîdanê bêmergan bi.

Sere de keyeyê embazê ma Mervanî rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do mîrasê têkoşînî yê şehîdan bi serkewtişî tacîdar bikê."