Merkezê Îrtîbatî û Çapemenîye yê HPGyî bi eşkerayîyêke gerîla Delîl Sîpan û Şervan Xizan ê ke 26ê temmuze qezaya Çelê ya Colemêrgî de şehîd bîyî yad kerdî.

Eşkerayîya HPGyî wina ya:

''Ma eşkerayîya xo ya 13ê tebaxa 2020î de dabi eşnawitene ke 26ê temmuze de artêşa tirke ya îşxalkere warê Stûna yê qezaya Çelê yê Colemêrgî de bi paştdayîşê kontrayan dest pê operasyonêkê îşxalî kerd. Nê operasyonî de mabênê hêzanê ma û artêşa tirke ya îşxalkere de şer qewimîya û nê şerî de 2 îşxalkerî ameyî cezakerdene û 4 îşxalkerî zî birîndar bîyî. Embazê ma Delîl û Şervan ê ke bi çêrî vera dişmenî şer kerd şehîd bîyî. Nasnameyê embazanê ma yê şehîdan wina yê:

Nameyê Qodî: Delîl Sîpan Name û Peyname: Denîz Îbrahîm Tek Cayê Bîyayîşî: Îstanbul Maye-Pî: Nûrhane-Abdurrahman Tarîx û Cayê Şehadetî: 26ê Temmuza 2020yî / Çelê

Nameyê Qodî: Şervan Xîzan Name û Peyname: Sitki Tagay Cayê Bîyayîşî: Bedlîs Maye-Pî: Melîke-Mîthat Tarîx û Cayê Şehadetî: 26ê Temmuza 2020yî / Çelê

Embazê ma Delîl welatê xo ra bi kîlometreyan dûrî de dadîya xo ra bîyo û bi hîşmendîya azadîya welatî verê xo da koyan. Embaz Delîlî bi kede û zerrînizmîye xo perwerde kerd û waranê tewr çetinan de têkoşîn kerd. Embaz Delîl seba ke paradîgamaya Rayber Apoyî fam bikero û bi na paradîgma cuya raştikêne biciwîyo têgêra.

Embazê ma Şervan Bedlîs de dadîya xo ra bîyo û seba têkoşînê tewr raştî tewrê gerîlayan bi. Embaz Şervanî bi hîşmendîya têkoşînê vera polîtîkaya îmha û înkarî ya dewleta îşxalkere şer kerd. Embaz Şervanî rind fam kerd ke rayberîya raştikêne mîyanê cuye de rayberî ya. Embaz Şervanî bi kedêka pîle her war de bi mîsalê fedayîtî û rayberîye.

Sere de keyeyanê ercîyayeyan ê embazanê ma rê ma pêro şarê Kurdîstanî yê welatperwerî rê serweşîye wazenê. Heta ke ma têkoşînê şehîdan ê çêran bi serfîrazî tacîdar bikerê ma do têkoşîn bikerê.''