Merkezê Îrtîbatî û Çapemenîye yê HPGyî nasnameyê çar şehîdan eşkera kerdî û nê vatî:

''Hemrayê ma Erdal, Brûsk Dêrsîm, Rojhat û Brûsk Aşkolî şertanê zehmetan ê zimistanî de warê Çîloyî de vera operasyonê dewleta tirke ya îşxalkere xeylêk çalakîyê kerdî ke derbeyê girdî dayî dişmenî ro. Hemrayê ma yê erjîyayeyî bi îradeyê xurtî seba ke operasyonê dişmenî bişiknê, bi hewayêkê fedayîtîye şîyî dişmenî ser. Nê mîlîtanê qehremanî 28ê adara 2017î de gama ke çalakîye ra agêrayêne, varayîşê vewre û pûkî ra misyel bîyî û tewrê kerwanê şehîdan bîyî. Ma do têkoşînê hemrayanê xo bi serkewtişî tacîdar bikerê.

Nasnameyê hemrayanê ma yê şehîdan wina yê:

Nameyê Qodî: Erdal Dogan Name û Peyname: Nasir Abassî Cayê Bîyayîşî: Xoy  Maye-Pî:  Sakîne - Ahmet Tarîx û Cayê Şehadetî: 28ê Adara 2017î / Çîlo

 

Nameyê Qodî:  Brûsk Dêrsîm Name û Peyname: Mehmet Yildirim Cayê Bîyayîşî:  Dêrsîm  Maye-Pî:  Halise – Hasan  Tarîx û Cayê Şehadetî: 28ê Adara 2017î / Çîlo

 

Nameyê Qodî: Rojhat Ronî Name û Peyname: Yunus Kaplan Cayê Bîyayîşî: : Şirnex  Maye-Pî: Gulsune – Husnu Tarîx û Cayê Şehadetî: 28ê Adara 2017î / Çîlo

 

Nameyê Qodî: Brûsk Aşkol Name û Peyname:  Muhammed Mehdi Cemil Cayê Bîyayîşî:  Merîvan  Maye-Pî:  Kubra – Mehdi  Tarîx û Cayê Şehadetî: 28ê Adara 2017î / Çîlo

 

Hemrayê ma Erdal dewa Daşpesekî ya bajarê Xoyî yê Rojhelatê Kurdîstanî de yeno dinya û sey ferdê keyeyêkê acemî beno pîl. Hemrayê ma Erdal domanîya xo ra keyeyê xo reyde karê citkarî keno. 2014 de karkeranê kurdan ra Têgêrayîşê Azadîye yê Kurdîstanî eşnaweno û tekoşînê partîya ma bala ci ancena. 2006 de verê xo dano merkezê têkoşînî, koyanê Kurdîstanî. Hemrayê  ma Erdal perwerdeyê xo yê verênî Xakurkê de vîneno û dima wisarê 2007î de pratîk de ca geno. Nizdê hîre serran waranê Xakurkê û Şemzînanî de gerîlatîye keno. Hemrayê ma  Erdal xeylêk tecrube keno pêser û beno mîlîtan û fermandaro erjîyaye yê partîya ma PKKyî. Qezayêkê bêtalehî de çimê xo ra birîndar beno. Badê tedawî reyna agêreno cayê xo. Pratîkê waranê zehmetan ra dima Akademîya Mazlûm Doganî de perwerde vîneno û 2011-2012 tewrê operasyonê şorişgêrî yê waranê Xakurkê û Şemzînanî beno. Tîya xeylêk çalakîyanê serkewten de ca geno û derbanê giranan dano dişmenî ro. 2016 de ravêreno warê Oremarî.Tîya zî çalakîyanê bitesîran keno. 2017 de reyna agêreno warê Çîloyî û sey fermandarê tabûrî barê giranêrî geno xo ser.

 Hemrayê ma Brûsk Dêrsîm qezaya Çemişgezekî yê Dêrsimî de yeno dinya û keyeyêkê koçerî de beno pîl. Seba ke mektebanê dewleta tirke aîdê xo nêvîneno, mektebî caverdeno  û koyanê Erzînganî de koçerîye keno. Nê demî de gerîlayanê azadîye yê Kurdîstanî şinasneno û 2013 de tewrê sefanê gerîlayan beno. Hemrayê ma Brûsko ke warê Metîna de dest pê gerîlatîye keno badê perwerdeyî beno gerîlayêko serkewte. Wextêk warê Heftanînî de gerîlatîye keno dima ra vera hêrişê DAÎŞî verê xo dano waranê têkoşînî. Di serrî vera çeteyanê DAÎŞî şer keno û rixmo ke di reyî birîndar beno, nêvindeno. Bado ke wezîfeyê xo bi serkewtişî ano ca ravêreno Herêmanê Pawitişî yê Medya. Tîya Akademîya Hakî Karerî de perwerdeyê leşkerî geno û beno fermanderêko serkêş. Badê perwerdeyî sey fermandarê yewîye  verê xo dano warê Çîloyî.

Hemrayê ma Rojhat Silopîya de yeno dinya û dormeyê welatperwerî de beno pîl. Na çarewe de raştîya şarê xo, nasnameyê ci û raştîya dişmenî hole fam keno. Coka tewrê xebatanê ciwanan beno. 2013 de  seba ke ziwano ke dişmen tira fam keno de cewab bido ci, tewrê sefanê gerîlayan beno. Hemrayê ma Rojhato ke warê Avaşînî de perwerde vîneno demê kilmî de cuya gerîlayan mûseno , xo hetê leşkerî û îdeolojî ra aver beno û beno mîlîtanêko serkêş. Bado ke Avaşîn de beno wayîrê tecrubeyî, verê xo dano warê Çîloyî.

Hemrayê ma Brûsk Aşkol bajarê Merîvanî yê Rojhelatê Kurdîstanî de yeno dinya bi kulturê welatperwerîye beno pîl. Hemrayê ma Brûsk 2015 tewrê sefanê gerîlayan beno, bi perwerdeyî xo hêzdar keno û tifingê xo nano doşê xo ser û verê xo dano waranê têkoşînî. Wextêk Qendîl de maneno û beno mîlîtanêko serkewte. Dima verê xo dano warê Çîloyî. Seba ke qesasê şarê xo bîgêro vera hêrişanê dişmenî bi eşqê girdî şer keno û xeylêk çalakîyan de ca geno ke derbeyanê girdan danê dişmenî ro.

Ma sere de keyeyanê erjîyayeyan ê hemrayanê xo  yê qehereman Erdal, Brûsk Dêrsîm, Rojhat û Brûsk Aşkolî û heme şarê xo yê welatperwerî rê serweşîye wazenê.''