Merkezê Îrtîbatî û Çapemenîye yê HPGyî nasnameyê 3 gerîlayanê ke qezaya Hassa ya Hatayî de menga tebaxe de hêrişêkê dewleta tirke de şehîd bîyî eşkera kerdî.

Eşkerayîya HPGyî wina ya:
''22ê tebaxe de warê Dindikî yê qezaya Hassa yê Hatayî de hêrişêkê hewayî yê artêşa tirke ya îşxalkere de embazê ma Huseyîn Firat, Alî Norşîn û Cîger Amed şehîd bîyî. Zanayîşê derheqê nasnameyanê embazanê ma yê şehîdan de wina yê:

Nameyê Qodî: Huseyîn Firat

Name û Peyname: Cîhan Erbaş

Cayê Bîyayîşî: Meletî

Maye-Pî: Ziyade-Mehmet

Wext û Cayê Şehadetî: 22ê Tebaxa 2020î / Hatay

Nameyê Qodî: Alî Norşîn

Name û Peyname: Şefîk Korman

Cayê Bîyayîşî: Bedlîs

Maye-Pî: Perîşan-Abdulbarî

Wext û Cayê Şehadetî: 22ê Tebaxa 2020î / Hatay

Nameyê Qodî: Cîger Amed

Name û Peyname: Serhat Aykûl

Cayê Bîyayîşî: Amed

Maye-Pî: Sûltan-Ahmet

Wext û Cayê Şehadetî: 22'ê Tebaxa 2020î / Hatay

Embazê ma Huseyîn serra 1983î de qezaya Doganşehîrî ya Meletî de dadîya xo ra bîyo û wexto ke Zanîngehê Boğaziçi de wendêne îdeolojîya PKKyî û raştîya têkoşînê Rayber Apoyî fam kerde. Coka zanîngeh verda û dest pê şorşgêrîya profesyonele kerde. Karanê ciwanan reyde embaz Huseyîn sîyaset de zî bi hawayêkê aktîfî ca girewt. Dima ke kewto zîndanê AKPyî serra 2008î de tewrê gerîlayan bi. Mîyanê gerîlayan de embaz Huseyînî bi ked û fedakarîye şer kerd. Wextêkê kilmî de bi fermandar û her warê têkoşînî de ca girewt, gerîlayî perwerde kerdî. Embaz Huseyînî zerrî ra pê bawer kerdêne ke xelisîyayîşê şarî bi rêxistinbîyayîşê xopawitişî beno. Embaz Huseyînî nê esasî ser o rêxistinkerdişê YPSyî de cagirewt.  Dima koyanê Amanosan de wezîfeyê Fermandarîya Warê Amanosî girewte xo milî ser. Embaz Huseyîn tim bêro vîrardene. 

Embazê ma Alî Bedlîs de dadîya xo ra bîyo û dima ke zanîngeh de têkoşîn şinasna serra 2011î de Amed de tewrê gerîlayan bi. Wextêkê kilmî de embaz Alî bi gerîlayêko bitecrube û morê xo binê serkewtişan. Embaz Alîyî heta hela xo ya peyêne bi îradeyêkê xurtî vera zehmetîyan têgêra. Embaz Alî tim rayîrê ma do roşnî bikero.

Embazê ma Cîger paytextê Kurdîstanî Amed de dadîya xo ra bîyo û serra 2013î de tewrê gerîlayan bi. Perwerdeyî ra dima serra 2014î de embaz Alîyî  wezîfe girewt û vera cerganê DAÎŞî şi hawarê şarê Şingalî. Embaz Cîgerî serra 2016î de Amanosan de bi waştişê xo wezîfe girewt û bi qerardarîya pîle vera dewleta tirke ya kolonyalîste şer kerd. Embaz Cîger do bi fedakarî û tewirê xo yê fedayîyî tim vîrê ma de bibo.

Embazê ma Huseyîn Firat, Alî Norşîn û Cîger Amed tim sey çêranê kurdan do bêrê vîrardene. Ma do têkoşînê înan berz bikerê û bi serkewtişî têkoşîn tacîdar bikerê. Ma do Kurdîstanê azadî de wayîrê vîrameyîşanê înan vejîyê.

Sere de keyeyanê ercîyayeyan ê şehîdanê ma rê, ma pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê xo de wayîrê vîrameyîşanê înan vejîyê.''