Merkezê Îrtîbatî û Çapemenîye yê HPGyî bi eşkerayîyêke gerîlayê ke 2018 de Botan de şehîd bîyî yad kerdî. Eşkerayîye wina ya:

''2018 seba tarîxmê ma yê têkoşînî serrêka girînge bîye ke hêrişê dişmenî hîra bibî. Mîyanê na serre de dewleta tirke ya qirkere waşt ke têgêrayîşê ma tasfîye bikera coka hêrişê giranî kerdî. Destpêkê 2018î de verî dewlete çim  verda Efrînî dima zî vera pêro Kurdîstanî hêrişî kerdî. Labelê artêşa tirke ya kolonyalîste rixmê paştdayîşê hêzanê mîyanneteweyîyan zî nêeşkaye pê îradeyê gerîlayan bieşka. Çinkerdişê polîtîkayanê dişmenî de bêguman tewiro fedayî yê şehîdanê çêran dîyarker o. Çêrê ke hêvîya serkewtişî afernaya şehîdê ma yê. Şehîdanê ma yê çêran ra embazanê ma Şahan, Agît, Mazlûm, Dara û Sofîyî serra 2018î de serkêşîya xoverdayîşî kerdî û şehîd bîyî. Ma ancî sozê perwerîya xo ya bi armancanê înan danê.

Nasnameyê embazanê ma yê şehîdan wina yê:

Embaz Şahan Wan de dadîya xo ra bîyo. Embaz Şahanî wextê hêrişanê giranan de verê xo da koyan. Embaz Şahanî Xakûrkê û Zagrosan de gerîlatîye kerde û 2014 de derbazê herêma Botanî bi. Embaz Şahanî tim xo rê kultur û exlaqê partîye esas kerd, xeylêk çalakîyan de derbê giranî dayî dişmenî ro û bi milîtano çêr ê Rayber Apoyî. Embaz Şahan tim do mîyanê têkoşînê ma de biciwîyo û verê ma roşnî bikero.

Embaz Agît Wan de dadîya xo ra bîyo. Embaz Agîtî verî xebatanê ciwanan de ca girewt û 2016 de zî verê xo da koyanê azadan. Embaz Agît wextê kilmî de bi gerîlayêko marîfetîn û 2017 de derbazê herêma Botanî bi. Embaz Agît bi perwerîya xo ya Rayberîye û şehîdan bi temsîlkarê xeta şorişgêre. Embaz Agît pê kesayetê xo yê samîmî û emegdarî bi mazharê heskerdişê embazanê xo û pêro wezîfeyê xo bi serkewtişî ardî ca.

Embaz Mazlum Mêrdîn de dadîya xo ra bîyo. Embaz Mazlumî verî xebatanê ciwanan de ca girewt, ame destbendkerdene û 2010 de verê xo da koyanê azadan. Embaz Mazlumî perwerde ra dima Garê de gerîlatîye kerde, dima derbazê Zagrosan bi. Embaz Mazlum wextêkê kilmî de bi fermandar û xeylêk çalakîyan de serkêşîya serkewtişan kerde. Embaz Mazlum tecrubeyê xo yê gerîlatîye embazanê xo de pare kerdî.

Embaz Dara Mêrdîn de dadîya xo ra bîyo. Embaz Darayî 2015 de vera polîtîkayanê asîmîlasyonî verê xo da koyanê azadan. Embaz Darayî Cîlo de perwerde girewt û verî Zagrosan de gerîlatîye kerde. Embaz Darayî vera hêrişanê dewleta qirkere tewr vernî de ca girewt û têkoşîn kerd. Embaz Darayî wextêkê kilmî de tecrubeyê pîlî vistî destî û nê tecrubeyî embazanê xo de pare krdî. Embaz Cîloyî heta şehadetê xo gerîlatîyêka serkewte kerde.

Embaz Sofî Colemêrg de dadîya xo ra bîyo.  Embaz Sofîyî verî xebatanê ciwanan de ca girewt û 2015 de Wan de tewrê gerîlayanê azadîye bi. Embaz Sofîyî wextêk Heftanîn de gerîlatîye kerde, 2017 de derbazê warê Cîloyî yê herêma Heftanînî bi. Embaz Sofî bi temsîlkarê xeta şehîdan, seba ke xeyalanê azadîye bîyaro ca bêmabên têkoşîn kerd. Embaz Sofî pê erjanê ke afernayê tim vernîya têkoşînê ma roşnî bikero.

Ma sere de keyeyanê ercîyayeyan ê şehîdanê xo rê pêro şarê welatperwerî yê Kurdîstanî rê serweşîye wazenê.''