Merkezê Îrtîbatî û Çapemenîye yê HPGyî derheqê şehadetê gi gerîlayan de eşkerayîye daye û nê pare kerdî:

''Embazê ma Serhildan û Baran ê ke rixmê  hêrişê artêşa tirke yê hewayî pêkewtişanê warê Gelîyê Hesena yê Koyê Cûdîyî de darbê giranî dayî dişmenî ro, bi hawayêkê qehremankî şer kerd û şehîd bîyî.

Nasnameyê embazanê ma yê şehîdan wina yê:

Nameyê Qodî: Serhildan Cûdî Name û Peyname: Hasan Adanir Cayê Bîyayîşî: Cizîr Maye-Pî: Gûrbet-Huseyîn Wext û Cayê Şehadetî: 2ê Teşrîna Verêne 2020 / Botan

Nameyê Qodî: Baran Botan Name û Peyname: Ahmet Çagdavûl Cayê Bîyayîşî: Cizîr Maye-Pî: Emîne-Osman Wext û Cayê Şehadetî: 2ê Teşrîna Verêne 2020 / Botan

Embazê ma  Serhildan û Baranê ke keyeyanê welatperweran ê Cizîra Botanî de ameyî dinya bi ruhê serhildan û xoverdayîşî bîyî pîl. Wird embazê ma seba ke dişmenî ra hesab bipersî tewrê sefanê gerîlayan bîyî û têkoşîno xurt da.  2ê teşrîna verêne de warê Gelîyê Hesena yê Cûdîyî de bi hetkarîya xayînanê hemkaran operasyon de embazê ma Serhildan û Baran şehîd bîyî. Ma Soz danê embazanê xo ke ma do dewleta tirk a qetilkare ra hesab bipersê.

Sere de keyeyanê ercîyayeyan ê şehîdanê ma rê, ma pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê xo de wayîrê vîrameyîşanê înan vejîyê.''