Merkezê Îrtîbatî û Çapemenîye yê HPGyî  nasnameyê hîrê gerîlayanê ke 2017 de Botan de şehîd bîyî eşkera kerdî û nê vatî:

''Hemrayê ma Partîzan, Kemal û Çekdar 2017 de Botan de vera îşxalkeran xoverdayîşo xurt da û Botan açarna merkezê xoverdayîşî. Hemrayê ma yê ke heta hela peyêne felsefeya Rayber Apoyî esas girewt derbeyê pîlî dayî dişmenî ro tewrê kerwanê şehîdan bîyî.

Nasnameyê embazanê ma yê şehîdan wina yê:

Nameyê Qodî: Partîzan Herekol Name û Peyname: Emre Ablak Cayê Bîyayîşî: Mersîn Maye-Pî: Rabîa-Mûhsîn Tarîx û Cayê Şehadetî: 1ê Teşrîna Verên a 2017î / Besta

Nameyê Qodî: Kemal Avesta Name û Peyname: Aydin Mamak Cayê Bîyayîşî: Şirnex Maye-Pî: Rahîme-Emîn Tarîx û Cayê Şehadetî: 1ê Teşrîna Verên a 2017î / Besta

Nameyê Qodî: Çekdar Baxtiyar Name û Peyname: Abdulmûttalîp Tûnç Cayê Bîyayîşî: Wan Maye-Pî: Erzane-Abdûrrahman Tarîx û Cayê Şehadetî: 1ê Teşrîna Verên a 2017î / Besta

Hemrayê ma Partîzan Sêrt Perwarî Mersin de keyeyêkê welatperwerî de  ameyo dinya. Keyeyê hemerayê ma Partîzanî netîceya polîtîkaya hêrişkare ya dişmenî de bar kerdo şîyo metropolan la çirey erdê xo ra nêqilîyo ra. Hemrayê ma Partîzan vera polîtîkaya qirkerdiş û asîmîlasyonî ya dişmenî ya vera kurdan tim mîyanê têkoşînî de ca girewto û tewr peynî de 2012 de tewrê sefanê gerîlayan bîyo. Verî Xakurkê de dest pê gerîlatîye kerdo û dima ra xo aver berdo û serranê 2013-2014î Rojawan de vera çetayanê DAÎŞî şarê xo pawito. Dima ra verê xo dayo Vakurê Kurdîstanî û tewrê Têgêrayîşê Tayberî bîyo. Serranê  2015-2016î de wextê Xoverdayîşê Xoîdarekerdişî de seba ke dişmenî ra hesab biperso, verê xo dayo Botanî û tîya derbeyê pîlî dayî dişmenî ro.

Hemrayê ma Kemal Silopî de ameyo dinya û hema domanîya xo ra polîtîkaya leymine ya dişmenî rê şahîdîye kerda. Eynî wextî de pê hîkayeyanê qehremanîye yê Gerîlayanê Azadîye yê Kurdîstanî zî partîya ma PKK hole nas kerda. 2015 de verê xo dayo koyanê azadan ê Kurdîstanî û xeyalê xo ardî ca. Bado ke perwerdeyê Rayberîye girewtî sey gerîlayêkê serkewteyî bale ante xo ser. Seba ke deynê xo yê şehîdan bido verê xo dayo warê Cûdî. Rixmo ke tîya wexto kilm mend bi tewirê xo yê fedaî ramojna ke senî gerîlayêko serkewte yo.

Hemrayê ma Çekdaro ke keyeyêko welatper û kedkarî de ameyo dinya, bi kulturê xoverdayîşî bîyo pîl û ciwanîya xo vera hêrişanê dişmenî cedh kerdo ke qesas bîgêro. Coka bi coşê pîlî tewrê sefanê gerîlayan bîyo û demê kilmî de xo de bedilnayîşê radîkalî afernayî. Hemrayê ma Çekdarî ke xo lazabez resnayo û verê xo dayo Botanî. Pêkewtişê vera artêşa tirke de bi saetan pîya bi hemrayanê xo şer kerd û qehremanîyêka xurte ramojna. Heta guleyê xo yê peyênî xover da, derbeyê pîlî dayî dişmenî ro û mîyanê qehremananê Botanî de cayê xo girewt.

Sere de keyeyê erjayeyî yê hemrayanê ma Parîjan, Kemal û Çekdarî wa sereyê heme şarê welatperwerî yê Kurdîstanî weş bo. Ma do wezîfeyanê xo yê ke nê embazanê erjayeyan dewrê ma kerdî bi serkewtişî bîyarê ca.''