Merkezê Îrtîbatî û Çapemenîye yê HPGyî bi eşkerayîyêke Denîze Pîr, Hêvîdare Erîş, Kedkar Bagok û Mahsum Welat yad kerdî ke 28ê êlula 2020î de Herekol de şehîd bîyî.

Eşkerayîya HPGyî wina ya:

''28ê êlula 2020î de artêşa tirke ya îşxalkere herêma Şehîde Zelale, kendalanê Herekol û Deryê Dogana yê warê Herekolî yê Sêrtî ser o bombayî varnayî û dima zî herême de operasyonêk da destpêkerdene. Netîceya bombarduman û şerî de embazê ma Denîze, Hêvîdare, Kedkar, Mahsnûn û Zinar şehîd bîyî. Nasnameyê embaz Zinarî dima do rayaumûmîye reyde bêro parekerdene. Zanayîşê derheqê nasnameyê embazanê ma yê bînan de wina yê:

Embaza ma Denîze 1990 de Colemêrg de dadîya xo ra bîya û serra 2008î de tewra gerîlayan bîye. Embaze Denîze herêma Botanî de pêro wezîfeyê xo ardî ca û bi dîsîplîn û qerardarî bîye milîtanêka serkêşe. Embaze Denîze herêma Botanî de sey fermandarêke pêro mesuldarîyê xo kerdî û bîue sembola cinîyanê Botanî.

Embaze Hêvîdare Kobanê de dadîya xo ra bîye û Şorişê Rojawanî ra dima tewra gerîlayan bîye.Embaze Hêvîdare pê durustî û exlaqê xo mîyanê embazanê xo de bîye sembole. Embaze Hêvîdare Botan de bi moral û coşî bîye gerîlayêka serkêş û milîtane û seba ke wezîfe û mesuldarîya xo bîyara ca tim kede daye û xîret kerd.

Embazê ma Kedkaro ke aslê xo de mêrdinij o Adana de dadîya xo ra bi û seba armancêkê fîrazî verê xo da koyanê azadan. Embaz Kedkarî xeylêk cayanê Kurdîstanî de wezîfe kerd û rayraşîyayîşê şorişî de resa raştîya milîtanîya Rayber Apoyî. O do bibo îlhamê têkoşînê ma.

Embaz Mahsûn Sêrt de dadîya xo ra bîyo û seba azadîya kurdan tewrê gerîlayan bi. Embaz Mahsum pê kedkarî, zerrînizmîya xo tim bi çimeyê moralî û xeylêk waranê gerîlayan de wezîfeyê pîlî bi serkewtişî ardî ca. Embaz Mahsum do bibo perspektîfê têkoşînê ma.

Sere de keyeyanê ercîyayeyan ê şehîdanê ma rê ma pêro şarê Kurdîstanî rê serweşîye wazenê. Ma soz danê ke ma do vîrameyîşanê çêranê xo têkoşînê xo reyde bikirişê û bipawê.''