Merkezê Îrtîbatî û Çapemenîye yê HPGyî bi eşkerayîyêke  şehîdê Operasyonê Şorişgêrî yê Elkê yad kerdî.

Eşkerayîye wina ya:

''24ê êlula 2015î de hêzanê ma merkezê qezaya Elkê ya Şirnexî de vera dezgehanê leşkerîyan ê dewleta tirke ya îşxalkere Operasyono Şorişgêr ê Elkê kerd. Nê operasyonî de 75 îşxalkerî ameyî cezakerdene û xoverdayîşêko tarîxî ame mojnayene. Şerê mabênê hêzanê ma û artêşa tirke ya îşxalkere bi rojan dewam kerd û xeylêk caran teyarayanê şerî herême daye bombayan ver. Zanayîşê derheqê nasnameyanê embazanê ma yê ke bîyî şehîd, şert û mercanê şerî ra nêameyî eşkerakerdene. Embazê ma Helena, Xwînrêj, Têkoşer, Piling û Dara şer û hêrişanê hewayî de tewrê karwanê bêmergan bîyî. Zanayîşê derheqê embazanê ma yê şehîdan de wina yê:

Nameyê Qodî: Helena Botan Name û Peyname: Besna Rahat Cayê Bîyayîşî: Wan Maye-Pî: Fatma-Abdulsamet Tarîx û Cayê Şehadetî: 24ê êlula 2015î / Elkê

Nameyê Qodî: Xwînrêj Cûdî Name û Peyname: Sekvan Kaçan Cayê Bîyayîşî: Bexda Maye-Pî: Vasfiye-Mahmût Tarîx û Cayê Şehadetî: 24ê êlula 2015î / Elkê

Nameyê Qodî: Têkoşer Cîlo Name û Peyname: Yûnûs Torsûn Cayê Bîyayîşî: Şirnex Maye-Pî: Emîne-Şukru Tarîx û Cayê Şehadetî: 24ê êlula 2015î / Elkê

Nameyê Qodî: Piling Gelî Name û Peyname: Mehmet Şîrîn Yazici Cayê Bîyayîşî: Wan Maye-Pî: Vesîle-Nedîm Tarîx û Cayê Şehadetî: 24ê êlula 2015î / Elkê

Nameyê Qodî: Dara Moxta Name û Peyname: Ahmet Katar Cayê Bîyayîşî: Şirnex Maye-Pî: Gullu-Cafer Tarîx û Cayê Şehadetî: 24ê êlula 2015î / Elkê

Embazanê ma Helena, Xwînrêj, Têkoşer, Piling û Dara yê ke bi hawayêkê fedayîyî rayberîya Operasyonê Şorişgêrî yê Elkî kerd, heman wextî de do sey çêran bêrê vîrardene le herêma Botanî de destanê xoverdayîşî nuşt. Embazê ma do rayîrê ma bikerê roşnî û ma bikerê xurtêr. Ma do alaya xoverdayîşî yê şehîdan biresnê asta tewr berze û heta azadîya şarê kurdî û şaran ê bindestan têkoşîn pê serkewtişî tacîdar bikerê.

Nê esasî ser o ma embazanê xo yê şehîdan bi hûrmet û minetî yad kenê, sere de keyeyanê înan ê ercîyayeyan ma pêro şarê Kurdîstanî yê welatperwerî rê serweşîye wazenê. Rêçê şehîdan de ma do têkoşînê xo ser bivisnê.''