Merkezê Îrtîbatî û Çapemenîye yê HPGyî bi eşkerayîyêka nuştekîye Armance Cigêrxwîn (Benazire Tebelî), Karker Serhat (Mehmet Emîn Delen), Hogir Serhat (Muhammed Taşçi) û Hêvî Tilhildan (Dîlane Olgun) ê ke 26ê tebaxe de şehîd bîyî yad kerdî.

Eşkerayîye wina ya:

''26ê tebaxa 2020î de warê Çemçê yê qezaya Qaxizmanî yê Qersî yê herêma Serhedî de mabênê artêşa TC û hêzanê ma de şer qewimîyabi. Nê şerî de xeylêk leşkerî ameyî cezakerdene û embazê ma Armance, Karker, Hogir û Dîlane zî şehîd bîyî. Nasnameyê embazanê ma yê şehîdan wina yê:

Embaza ma Armance qezaya Gimgimî ya Mûşî de dadîya xo ra bîya û serra 2011î de tewra gerîlayan bîye. Embaze Armannce rixmo ke di domanê ci estbî bi waştişê azadîye tewra têkoşînî bîye.Embaze Armance wexto ke hewce bi bîye şerwane, fermandare û pêro mesuldarîyê xo bi serkewtişî ardî ca. Embaze Armance şexsê domananê xo de heskerdişê xo yê welatî kerd xorin, şexsê şehîdan de perwerîye kerde vernî.

Embaz Karker qezaya Qerqelî ya Wanî de dadîya xo ra bîyo û bi hêrsê vera kolonyalîstan tewrê gerîlayan bi. Embaz Karker bi kelecan û coşî xeylêk cayanê Serhedî de têkoşîn kerd û bi wayîrê pratîkî. Embaz Karkerî qetî milîtanîya Rayber Apoyî ra fek vera nêdaye.

Embazê ma Hogir qezaya Qaxizmanî ya Qersî de dadîya xo ra bîyo û serra 2014î de verê xo da koyan. Embaz Hogir pê milîtanîya xo bi embazêko mîsal. Embaz Hogirî tim xîret kerd ke vera dişmenî têkoşîn bikero û Çemçê de têkoşînê çêrî de şehîd bi.

Embaza ma Hêvî Wan de dadîya xo ra bîya û bi xeyalanê azadîye tewra têkoşînê azadîye bîye. Embaze Hêvî pê gerîlatîya xo bîye gerîlayêka profesyonel û jîhate. Embaze Hêvî xebat û çalakîyan de bîye wayîra tewirêkê fedakarî. Embaze Hêvî û 3 embazanê ci Çemçê de bi çêrî têkoşîn kerd û tewrê karwanê şehîdan bîyî.

Ma keyeyanê ercîyayeyan ê embazanê xo rê û şarê welatperwerî yê Kurdîstanî rê serweşîye wazenê. Ma sond wanenê ke vîrameyîşê şehîdanê xo bipawê û alaya serfîrazîye pêro Kurdîstan de ser bivisnê.''