HPGyî şehîdê Sêrtî yad kerdî
HPGyî gerîla Agît Parsûr û Zinar Raperîn ê ke şerê 28ê temmuze de Gelîya Bombatî ya qezaya Şêrwanî ya Sêrtî de şehîd bibî, yad kerdî.
Merkezê Îrtîbatî û Çapemenîye yê HPGyî derheqê şehîdanê 28ê temmuze de eşkerayîyêke daye.
Eşkerayîye wina ya:
''Ma eşkerayîya xo ya 22ê tebaxa 2020î de dabi eşnawitene ke Gelîya Bombatî ya qezaya Şêrwanî ya Sêrtî de mabênê artêşa tirke ya îşxalkere û hêzanê ma de şer qewimîya. Nê şerî de ke 5 rojan dewam kerd embazê ma Agît û Zinar şehîd bîyî. Nasnameyê nê embazanê ma yê şehîdan wina yê:
|
|
Nameyê Qodî: Agît Pirsus Name û Peyname: Vedat Ok Cayê Bîyayîşî: Riha Maye-Pî: Salîha – Hasan Tarîx û Cayê Şehadetî: 28ê Temmuza 2020î / Sêrt |
|
|
Nameyê Qodî: Zinar Raperîn Name û Peyname: Davût Tul Cayê Bîyayîşî: Wan Maye-Pî: Aygule – Îbrahîm Tarîx û Cayê Şehadetî: 28ê Temmuza 2020î / Sêrt |
Embazanê ma Egîd û Zinarî herêma Xerzanî de bi pratîkê şerî panc rojan mîsalê çêrîye mojna û artêşa tirke ya îşxalkere tarûmar kerde. Xoverdayîşo destanwarî yê Egîd û Zinarî dewleta tirke rê cewabo tewr raşt o. Embazanê ma Egîd û Zinarî têkoşînê xo de armanc kerd ke azadîya kurdan bîyarê ca û mîrasê şehîdan ser visnê.
Sere de keyeyanê ercîyayeyan ê şehîdanê ma rê ma pêro şarê Kurdîstanî yê welatperwerî rê serweşîye wazenê. Ma sond wanenê ke ma do mîrasê şehîdanê ma bi serfîrazîye tacîdar bikerê.''
