Merkezê Îrtîbatî û Çapemenîye yê HPGyî gerîlayî Êriş Tirej û Akîf Botan ê ke 11ê tebaxe de Girê Şehîd Berxwedanî yê warê Xantûrî yê Heftanînî de şehîd bîyî, yad kerdî.

Eşkerayîya HPGyî wina ya:

''Ma eşkerayîya xo ya 12ê êlule de dabi eşnawitene ke embazê ma Akîf û Êriş çalakîya Girê Şehîd Berxwedanî yê warê Xantûrî yê Heftanînî vera îşxalkeran bi çêrî şer kerd, derbê giranî dayî dişmenî ro û çalakîye ra dima hêrişê hawayî û şerî de şehîd bîyî. Nasnameyê embazanê ma yê şehîdan wina yê:

Nameyê Qodî: Êrîş Tirej Name û Peyname: Adîl Buyukkaya Cayê Bîyayîşî: Erzirom Maye-Pî: Yildize– Mahmut Tarîx û Cayê Şehadetî: 11ê Tebaxa 2020î / Heftanîn

Nameyê Qodî: Akîf Botan Name û Peyname: Huseyîn Arslan Cayê Bîyayîşî: Mêrdîn Maye-Pî: Hîkmete-Veysî Tarîx û Cayê Şehadetî: 11ê Tebaxa 2020î / Heftanîn

Embazê ma Êrîş Erzirom de dadîya xo ra bîyo û serra 2013î de tewrê gerîlayan bi.Embaz Êrîşî pêro wezîfeyê xo ardî ca û pê tewiranê xo tim bi mîsalêk. Perwerîya ci ya seba Rayberîye û şehîdan o resna kesayetêkê mîsalî, kerd geş û her nefesê ci seba qesasî bi. Embaz Êrîş mîyanê fedayîyanê PKKyî de bi wayîrê kesayetê bêhesab, kedkar û durustî.

Embaz Akîf Mêrdîn de dadîya xo ra bîyo û bi hîşmendîya mesuldarîyanê xo tewrê gerîlayan bi. Embaz Akîfî waranê gerîlayan de xeylêk wezîfeyî girewt xo milî û tim bi kesayetê xo yê durustî vejîya vernî. Embaz Akîf bi hawayêkê aktîfî tewrê Hemleya Şorişgêre ya Cengê Heftanînî bi û pê îrade û ruhê xo yê fedayî milîtanîya Rayber Apoyî mojnaye.

Ma sere de keyeyanê înan ê ercîyayeyan rê pêro şarê Kurdîstanî rê serweşîye wazenê. Ma sey embazanê Akîf û Êrîşî soz danê ke ma do nê şerî û tîja xo bikerê yew û pê serkewtişî tacîdar bikerê.''