Merkezê Îrtîbatî û Çapemenîye yê HPGyî nasnameyê şehîdêkî eşkera kerd û nê pare kerdî:

''Embazê ma Soro Gabar, Kendal Alan (Metin Akgul) û Serdem Reşît (Muhammed Yildiz) pîya wexto ke wezîfeyê xo ser o bîyî, rîyê hêrîşê dişmenî ra şehîd kewtî. Sere de keyeyê embazê ma Soro Gabarî rê, şarê Botanî yê şorişgêrî rê û pêroyê şarê kurdistanî rê serweşîye wazenê. Ma bi nameyê nê şehîdanê xo reyna sozê xo anê xo vîrî ke ma do xoverdayîşê xo yê azadîye xurtêr bikerê û teqez biresnê hedefê şehîdanê xo.’’

Agahîyê nasnameyê Şehîdê ma Soro Gabarî wina yê:

Nameyê Qodî: Soro Gabar Name û peyname: Vedat Otun Cayê bîyayîşî: Şirnex Maye-Pî: Emîne – Hamît Tarîx û cayî şehadetî: 31ê Temmuza 2019î /Herêmê Pawitişî yê Medya

Embazê Soro Gabar Şirnex de yeno dinya û keyeyeyêkê welatperwerî de bi hişmendîya kulturê komelê kurdan reyde beno pîl. Bi hîkayeyanê qehremanîya gerîllayanê botanî reyde pîl beno  û o bi xo zî zilmê dewlete reyde rî bi rî maneno. Pîyê ey 2005î de hetkarîya gerîllayanê azadî yê kurdistanî kerdêne ke hetê dewleta tirke ra yeno tepîştene û zîndankerdene. Embazê ma Soro û keyeyê ey hetêkî ra tehdaya dewlete, hetê bînî ra zî zehmetîyê ekonomîkî reyde ciwîyenê la hişmendîya xo ya welatperwerîye ra qet dûrî nêkewnê. Embazê ma Soroyî ke na zilm û tehdaya dewlete dîye seba ke heyfê xo bigîro serra 2011î de Besta de beşdarê mewzîyanê gerîllayan beno.

Besta, Metîna û Heftenîn de gerîlatîye keno û zaf rew tecrubeyê gerîlatîye geno.Seba ke bibo gerîllayêko profesyonel akademîyê leşkerî de perwerdeyê pisporîye geno û tîya de zî bi serkewtiş perwerdeyê xo qedêneno. Wexto ke çeteyê faşîstî ke mendeyê El Kaîde yê hêrîşê şarê ma kenê, embazê ma Soro zî seba ke têkoşîn bikero verê xo dano Rojawanê Kurdîstanî. 5 serrî sere de vera El Nûsra û DAÎŞî xeylê waran de şer keno û beno wayîrê xeylê serkewtîyan. Bi aqilê xo yê pratîkî zaf waranê zehmetîyan de eşkîya zorê dişmenan bero. Embazê ma Soro seba erjanê xo yê pîrozan her tewir fedakarîye kerdêne û embazêko cesûr û fedayî bi.

Embazê ma Soroyî ra dima waya ey û 3 birayê ey zî beşdarê mewzîyanê partî benê. Embazê ma yê zaf qedir giranan yewbînî taqîb kenê û sey wezîfeyêkî beşdarê têkoşînê azadîyî benê. 

Birayê embazê ma Soroyî, Embaz Botan Besta (Sedîq Otunn) serra 2014î de  seba ke DAÎŞî bi paştîdayîşê dewleta tirke hêrîşê Kobanê kerd, o zî bi ruhê seferberîye beşdarê Xoverdayîşê Kobanê beno û bi qehramanî azadîya Kobanê de ca geno  û şehîd beno.

Embazê ma Dewran Soro (Kadir Otun) zî wexto ke dewleta tirke seba qirkerdişî hêrîşê merkezê bajaran kerdî, o zî sey qehremanan şino cayo ke ameyo dinya û uca de seba ke ucayî bipawo beşdarê xoverdayîşî beno. Şirnex de raameyîşê YPSyî de ca geno, kedêka girane dano û bi nê cesaret û fedayîya xo bi qehramanî şer keno. Embazê ma Dewran Soroyî zî wextê xoverdayîşî de şehîd beno.

Embazanê ma Botan, Dewran û Soroyî seba azadîya welat û şarê ma bêters şer kerd û nameyê xo sey ‘3 birayî’ têkoşînê ma de û tarîxê ma de nuştî. Ma reyna sere de keyeyê embazê ma Soro Gabarî rê, şarê Botanî yê şoreşgerî rê û pêroyê şarê kurdistanî rê serweşîye wazenê. Ma bi nameyê nê şehîdanê xo ser o reyna sozê xo anê xo vîrî ke ma do xoverdayîşê xo yê azadîye xurtêr bikerê û teqez biresnê hedefê şehîdanê xo.''